Skipulagsnefnd - 34
Málsnúmer 2310001F
Vakta málsnúmerSveitarstjórn Skagafjarðar - 18. fundur - 25.10.2023
Fundargerð 34. fundar skipulagsnefndar frá 2. október 2023 lögð fram til afgreiðslu á 18. fundi sveitarstjórnar eins og einstök erindi bera með sér. Sólborg Borgarsdóttir kynnti fundargerð. Enginn kvaddi sér hljóðs.
-
Skipulagsnefnd - 34 Málið áður á dagskrá sveitarstjórnar 07.09.2023, eftirfarandi bókað:
“Vísað frá 32. fundi skipulagsnefndar frá 7. sesptember sl. til afgreiðslu sveitarstjórnar, þannig bókað: "Málið áður á dagskrá skipulagsnefndar þann 27.07.2023 og þá eftirfarandi bókað: „Bjarni Reykjalín fyrir hönd Sýls ehf. sækir um samþykki á málsmeðferð á byggingarleyfisumsókn vegna þriggja íbúða raðhúss á lóðinni Ránarstíg 3-7, sem kalli ekki á breytingu á gildandi “Deiliskipulagi íbúðarreits milli Sæmundargötu, Ránarstígs og Freyjugötu á Sauðárkróki". Vísað er til byggingarleyfisumsóknar þar sem sótt er um að lengja húsið um 40 cm umfram það sem áður innsendar teikningar gerðu ráð fyrir og grenndarkynntar voru skv. samþykkt sveitarstjórnar 24.11.2021. Helstu frávik sem hér um ræðir eru að húshlutar á austur- og vesturhlið fara óverulega út fyrir byggingarreit eða samtals um 3,97 m2 sem er um 1% af heildarflatarmáli hússins. Nýtingarhlutfall er um 0,34 en leyfilegt nýtingarhlutfall skv. skipulagi er 0,35. Minnsta fjarlægð húss frá lóðarmörkum er um 1,7 m (1,71 m að vestan og 1,68 m að austan). Fjarlægð byggingarreits frá lóðarmörkum er 3,0 m skv. deiliskipulagsskilmálum. Óskað er eftir því að nefndin fjalli um þessa umsókn út frá 2. og 3. mgr. 43. gr og 3. mrg. 44. gr skipulagslaga nr. 123/2010. Skipulagsnefnd samþykkir erindið og felur skipulagsfulltrúa að kalla eftir uppfærðum gögnum frá lóðarhafa og afgreiða erindið í samræmi við ákvæði skipulagslaga." Að beiðni Bjarna Reykjalíns hönnuðar funduðu skipulagsfulltrúi, starfsmaður skipulagsfulltrúa, byggingarfulltrúi og Ari Freyr Ólafsson fulltrúi Sýls ehf. miðvikudaginn 30. ágúst síðastliðinn vegna málsins. Þar lístu Bjarni Reykjalín og Ari Freyr Ólafsson yfir óánægju sinni varðandi meðferð málsins eftir afgreiðslu skipulagsnefndar. Lagt fram minnisblað frá framangreindum fundi, tölvupóstar frá Skipulagsstofnun varðandi málsmeðferð um skil gagna, auk tölvupósts frá lögfræðingi hjá Skipulagsstofnun. Skipulagsnefnd leggur til við sveitarstjórn að um óverulega breytingu á deiliskipulagi Freyjugötu 25 sé að ræða skv. 2. mgr. 43. gr skipulagslaga nr. 123/2010 og skuli hún grenndarkynnt fyrir lóðarhöfum Ránarstígs 2, 4, 6 og 8, Hólavegi 1 og Sæmundargötu 2a." Sveitarstjórn Skagafjarðar samþykkir, með níu atkvæðum, að um óverulega breytingu á deiliskipulagi Freyjugötu 25 sé að ræða skv. 2. mgr. 43. gr skipulagslaga nr. 123/2010 og að hún skuli grenndarkynnt fyrir lóðarhöfum Ránarstígs 2, 4, 6 og 8, Hólavegi 1 og Sæmundargötu 2a."
Grenndarkynningin skv. ofangreindri bókun var send út þann 22.09.2023 með uppdrætti sem gerir grein fyrir breytingunni, unninn af BR teiknistofu slf. dags. 21.09.2023.
Þann 30.09.2023 barst tölvupóstur frá Einari I. Ólafssyni fyrir hönd Friðriks Jónssonar ehf. með árituðum kynningargögnum þar sem fram kemur að umsagnaraðilar geri ekki athugasemd við fyrirhugar breytingar á skipulagsáætlunum.
Skipulagsnefnd felur skipulagsfulltrúa að afgreiða erindið í samræmi við 43. gr. skipulagslaga nr. 123/2010 og skv. 2. tölulið, 7. gr., II viðauka Samþykktar um stjórn Skagafjarðar nr. 1336 frá 21.11.2022. Bókun fundar Afgreiðsla 34. fundar skipulagnefndar staðfest á 18. fundi sveitarstjórnar 25. október með níu atkvæðum. -
Skipulagsnefnd - 34 Lagður fram til kynningar 2. afgreiðslufundur skipulagsfulltrúa frá 29. september 2023 þar sem eftirfarandi er bókað:
„Tekið fyrir erindi Sunnu Bjarkar Atladóttur hdl. dags. 29.09.2023, fyrir hönd Christine Gerlinde Busch, eiganda landsins Neðri-Ás 2, land 6 (L234078), sem verið að stofna úr landi Neðri-Áss 2 (L146478), og lóðarinnar Neðri-Ás II lóð (L227648) í Skagafirði, þar sem óskað er eftir staðfestingu á afmörkun ofangreindrar lóðar, líkt og sýnt er á framlögðum afstöðuuppdrætti gerðum á Stoð ehf. verkfræðistofu af Atla Gunnari Arnórssyni. Númer uppdráttar er S08 í verki nr. 7591-2002, dags. 28. sept. 2023. Afmörkun lóðarinnar byggir á yfirlýsingu dags. 26/10 1966, þinglýsingarnúmer 421-A-18218, dags. 1/11 1966. Lóðinni fylgir hesthús, F2502637, merking 01 0101, byggt 1957, skráð stærð 297,1 m2. Skipulagsfulltrúi staðfestir hér með afmörkun lóðarinnar eins og hún kemur fram á framangreindum uppdrætti. Gert með vísan til viðauka II í samþykkt nr. 1336, um stjórn Skagafjarðar dags. 21. nóvember 2022, og verður afgreiðslan kynnt skipulagsnefnd í samræmi við samþykkt þessa.“
Bókun fundar Afgreiðsla 34. fundar skipulagnefndar staðfest á 18. fundi sveitarstjórnar 25. október með níu atkvæðum.