Byggðarráð Skagafjarðar - 66
Málsnúmer 2310017F
Vakta málsnúmerSveitarstjórn Skagafjarðar - 18. fundur - 25.10.2023
Fundargerð 66. fundar byggðarráðs frá 18. október 2023 lögð fram til afgreiðslu á 18. fundi sveitarstjórnar eins og einstök erindi bera með sér. Sólborg Borgarsdóttir forseti kynnti fundargerð. Enginn kvaddi sér hljóðs.
-
Byggðarráð Skagafjarðar - 66 Undir þessum dagskrárlið komu forsvarsmenn Íslenska gámafélagsins ehf., Jón Frantzson og Friðrik Auðunn Jónsson til viðræðu um framkvæmd og þjónustu vegna verksamnings um sorphirðu fyrir heimili, stofnanir, gámastöðvar o.fl. í Skagafirði 2023-2028. Einnig sátu fundinn undir þessum dagskrárlið fulltrúar umhverfis- og samgöngunefndar, Guðlaugur Skúlason og Hildur Þóra Magnúsdóttir sem tók þátt í gegnum fjarfundabúnað. Valur Valsson verkefnisstjóri sat fundinn að auki undir þessum dagskrárlið. Bókun fundar Afgreiðsla 66. fundar byggðarráðs staðfest á 18. fundi sveitarstjórnar 25. október 2023 með níu atkvæðum.
-
Byggðarráð Skagafjarðar - 66 Lögð fram fjárhagsáætlun Skagafjarðar fyrir árin 2024-2027.
Byggðarráð samþykkir að vísa fjárhagsáætlun 2024-2027 til síðari umræðu í sveitarstjórn. Bókun fundar Forseti gerir tillögu um að vísa afgreiðslu málsins til liðarins, Fjárhagsáætlun 2024-2027, síðar á fundinum. Samþykkt samhljóða. -
Byggðarráð Skagafjarðar - 66 Lagt fram vinnuskjal varðandi þjónustustefnu Skagafjarðar fyrir árið 2024.
Byggðarráð samþykkir að taka málið aftur fyrir á næsta fundi byggðarráðs. Bókun fundar Afgreiðsla 66. fundar byggðarráðs staðfest á 18. fundi sveitarstjórnar 25. október 2023 með níu atkvæðum. -
Byggðarráð Skagafjarðar - 66 Lagður fram viðauki 4 við fjárhagsáætlun 2023-2026. Viðaukinn inniheldur meðal annars breytingar á efnahagsreikningi og sjóðstreymi fjárhagsáætlunarinnar, sem eru að mestu leiti tilkomnar vegna uppfærslu efnahags í áætluninni, með tilliti til niðurstöðu ársreiknings 2022. Einnig er gerður viðauki vegna uppreiknings á langtímaskuldum og -kröfum sem taka mið af verðlagsþróun ársins 2023. Skatttekjur eru hækkaðar með tilliti til rauntalna fyrstu átta mánuði ársins. Gerð er breyting á launaliðum áætlunarinnar í samræmi við nýja kjarasamninga gerða á árinu. Ýmsar aðrar breytingar eru gerðar á gjaldahlið áætlunarinnar sem og tekjuhlið. Framkvæmdaáætlun er breytt á þann veg að fé er flutt á milli framkvæmdaverkefna. Í viðaukanum er einnig gert ráð fyrir sölu fasteigna. Viðaukinn hefur áhrif á rekstur ársins 2023 sem nemur 166.968 þkr. til gjalda. Ekki er gert ráð fyrir nýrri lántöku í viðaukanum.
Byggðarráð samþykkir framlagðan viðauka nr. 4 við fjárhagsáætlun 2023-2026 og vísar honum til afgreiðslu sveitarstjórnar. Bókun fundar Forseti gerir tillögu um að vísa afgreiðslu málsins til liðarins, Viðauki 4 við fjárhagsáætlun 2023, síðar á fundinum. Samþykkt samhljóða. -
Byggðarráð Skagafjarðar - 66 Lögð fram svohljóðandi bókun frá 16. fundi félagsmála- og tómstundanefndar þann 28. september 2023: "Samningur við Félag eldri borgara í Skagafirði sem fyrirhugað er að skrifa undir þann 2. október nk. lagður fram til kynningar. Samningurinn gildir til loka september 2026.
Nefndin samþykkir fyrirliggjandi drög og vísar þeim til afgreiðslu í byggðaráði."
Byggðarráð samþykkir framlagðan samning. Bókun fundar Afgreiðsla 66. fundar byggðarráðs staðfest á 18. fundi sveitarstjórnar 25. október 2023 með níu atkvæðum. -
Byggðarráð Skagafjarðar - 66 Málið áður á dagskrá 62. og 63. fundar byggðarráðs. Lagt fram bréf dagsett 17. september 2023 frá skíðadeild UMF Tindastóls varðandi skíðasvæðið í Tindastóli. Með bréfi þessu er óskað eftir samtali og samstarfi við sveitarfélögin á Norðurlandi vestra um aðkomu að rekstrarstuðningi við svæðið. Lögð fram viðhaldsáætlun tækja á skíðasvæðinu veturinn 2023-2024.
Byggðarráð samþykkir að fela sveitarstjóra að óska eftir því forsvarsmenn deildarinnar komi á fund byggðarráðs til viðræðu. Bókun fundar Afgreiðsla 66. fundar byggðarráðs staðfest á 18. fundi sveitarstjórnar 25. október 2023 með níu atkvæðum. -
Byggðarráð Skagafjarðar - 66 Lagt fram bréf frá Kili, stéttarfélagi starfsmanna í almannaþjónustu þar sem kynnt er ætlun aðstandenda Kvennaverkfallsins 2023 að boða til kvennaverkfalls þriðjudaginn 24. október 2023. Þar eru konur og kynsegin fólk hvatt til að leggja niður launaða og ólaunaða vinnu allan daginn eins og konur gerðu þegar fyrst var boðað til Kvennafrís árið 1975.
Byggðarráð Skagafjarðar beinir því til stjórnenda stofnana Skagafjarðar að huga að skipulagi starfseminnar 24. október nk. í samráði við starfsfólk. Haft verði að leiðarljósi að nauðsynlegri almannaþjónustu sé sinnt eins og mögulegt er og að öryggi og heilsu fólks sé ekki stefnt í hættu.
Ekki verður dregið af launum kvenna og kvára sem taka þátt í kvennaverkfallinu að viðhöfðu samráði við sinn stjórnanda. Góðfúslega er bent á að dagurinn er ekki almennur frídagur sem samið hefur verið um. Jafnframt er áréttað að ekki er um eiginlegt verkfall að ræða þar sem um verkföll gilda sérstök lög og reglur og að ábyrgð á starfsemi er á forræði hlutaðeigandi stjórnanda.
Bókun fundar Afgreiðsla 66. fundar byggðarráðs staðfest á 18. fundi sveitarstjórnar 25. október 2023 með níu atkvæðum. -
Byggðarráð Skagafjarðar - 66 Lagt fram bréf dagsett 13. október 2023 frá Eftirlitsnefnd með fjármálum sveitarfélaga varðandi ársreikning 2022. Eftirlitsnefnd með fjármálum sveitarfélaga (EFS) hefur yfirfarið ársreikning sveitarfélagsins fyrir árið 2022. Samkvæmt ársreikningi fyrir árið 2022 uppfyllir sveitarfélagið ekki öll lágmarksviðmið
eftirlitsnefndar vegna rekstrar fyrir A-hluta. Eftirlitsnefndin leggur áherslu á það við sveitarstjórn að nauðsynlegt sé að fara vel yfir fjárhagslegar
forsendur sveitarfélagsins til að ná tilgreindum lágmarksviðmiðum við gerð fjárhagsáætlunar fyrir árið 2024. Mikilvægt er að gerð verði útkomuspá fyrir árið 2023 sem grunnforsenda fjárhagsáætlunar fyrir árið 2024 og skilað til EFS þegar spáin liggur fyrir.
Byggðarráð samþykkir að vísa erindinu til sveitarstjórnar. Bókun fundar Forseti gerir tillögu um að vísa afgreiðslu málsins til liðarins, Ársreikningur Skagafjarðar 2022 - bréf frá eftirlitsnefnd með fjármálum sveitarfélaga, síðar á fundinum. Samþykkt samhljóða. -
Byggðarráð Skagafjarðar - 66 Lagt fram bréf dagsett 13. október 2023 frá Eignarhaldsfélaginu Brunabótafélag Íslands. Tilkynnt er um að ágóðahlutagreiðsla til sveitarfélagsins nemi 1.678.000 kr. á árinu 2023. Bókun fundar Afgreiðsla 66. fundar byggðarráðs staðfest á 18. fundi sveitarstjórnar 25. október 2023 með níu atkvæðum.
-
Byggðarráð Skagafjarðar - 66 Lagt fram bréf dagsett 13. október 2023 frá sýslumannsembættinu á Norðurlandi vestra, úr máli 2023-056807. Óskað er eftir umsögn um umsókn frá Hlín Guesthouse ehf. um breytingu á gildandi rekstrarleyfi. Breyting á fyrra leyfi úr flokki III Gististaður með veitingum en þó ekki áfengisveitingum í flokk IV Gististaður með áfengisveitingum.
Byggðarráð samþykkir að breytingin verði heimiluð. Bókun fundar Afgreiðsla 66. fundar byggðarráðs staðfest á 18. fundi sveitarstjórnar 25. október 2023 með níu atkvæðum. -
Byggðarráð Skagafjarðar - 66 Lagðar fram til kynningar upplýsingar úr rekstri sveitarfélagsins fyrir tímabilið janúar - ágúst 2023. Bókun fundar Afgreiðsla 66. fundar byggðarráðs staðfest á 18. fundi sveitarstjórnar 25. október 2023 með níu atkvæðum.
-
Byggðarráð Skagafjarðar - 66 Lögð fram til kynningar staðgreiðsluáætlun sveitarfélaga 2024. Bókun fundar Afgreiðsla 66. fundar byggðarráðs staðfest á 18. fundi sveitarstjórnar 25. október 2023 með níu atkvæðum.
-
Byggðarráð Skagafjarðar - 66 Lagt fram til kynningar bréf dagsett 5. október 2023 frá ríkislögreglustjóra varðandi könnun á stöðu sveitarfélags árið 2023 til að gera hættumat og viðbragðsáætlun.
Byggðarráð vísar erindinu til afgreiðslu Svavars Atla Birgissonar slökkviliðsstjóra. Bókun fundar Afgreiðsla 66. fundar byggðarráðs staðfest á 18. fundi sveitarstjórnar 25. október 2023 með níu atkvæðum. -
Byggðarráð Skagafjarðar - 66 Lagt fram til kynningar bréf dagsett 6. október 2023 frá Hafnasambandi Íslands varðandi samstarfsfundi Hafnasambands Íslands og Fiskistofu. Bókun fundar Afgreiðsla 66. fundar byggðarráðs staðfest á 18. fundi sveitarstjórnar 25. október 2023 með níu atkvæðum.