Umhverfis- og samgöngunefnd - 20
Málsnúmer 2311019F
Vakta málsnúmerSveitarstjórn Skagafjarðar - 20. fundur - 13.12.2023
Fundargerð 20. fundar umhverfis- og samgöngunefndar frá 20. nóvember 2023 lögð fram til afgreiðslu á 20. fundi sveitarstjórnar eins og einstök erindi bera með sér. Sólborg Borgarsdóttir forseti, kynnti fundargerð. Enginn kvaddi sér hljóðs.
-
Umhverfis- og samgöngunefnd - 20 Lagður fram fjárhagsrammi fyrir rekstrarárið 2024 ásamt forsendum rammans til seinni umræðu í umhverfis- og samgöngunefnd.
Farið var yfir seinni tillögu að fjárhagsáætlun Skagafjarðarhafna 2024. Áætlunin tekur mið af núverandi rekstri og aðstæðum. Umhverfis- og samgöngunefnd samþykkir framlögð drög að fjárhagsáætlun og vísar henni til seinni umræðu í byggðarráði og sveitarstjórn.
Dagur Þór Baldvinsson hafnastjóri sat þennan lið. Bókun fundar Afgreiðsla 20. fundar umhverfis- og samgöngunefndar staðfest á 20. fundi sveitarstjórnar 13. desember 2023 með níu atkvæðum. -
Umhverfis- og samgöngunefnd - 20 Vegna verðlagsþróunar er lagt til að gjaldskrá Skagafjarðarhafna hækki um 4,9% frá og með 1. janúar 2024.
Hildur Magnúsdóttir fulltrúi Vinstri grænna og óháðra leggur fram svohljóðandi breytingatillögu:
Gjaldskrá Skagafjarðarhafna fyrir árið 2024 hækki um 5,9% í stað 4,9%.
Umhverfis- og samgöngunefnd hafnar breytingartillögu fulltrúa Vinstri grænna og óháðra og samþykkir upphaflega tillögu um 4,9% hækkun og vísar henni til Byggðarráðs.
Dagur Þór Baldvinsson hafnastjóri sat þennan lið.
Bókun fundar Afgreiðsla 20. fundar umhverfis- og samgöngunefndar staðfest á 20. fundi sveitarstjórnar 13. desember 2023 með níu atkvæðum. -
Umhverfis- og samgöngunefnd - 20 Lagður fram fjárhagsrammi fyrir rekstrarárið 2024 ásamt forsendum rammans til seinni umræðu í umhverfis- og samgöngunefnd.
Farið var yfir seinni tillögu að fjárhagsáætlun umhverfis-, hreinlætis-, umferðar og samgöngumála og fráveitu 2024. Áætlunin tekur mið af núverandi rekstri og aðstæðum. Umhverfis- og samgöngunefnd samþykkir framlögð drög að fjárhagsáætlun með áorðnum breytingum og vísar henni til seinni umræðu í byggðarráði og sveitarstjórn. Bókun fundar Afgreiðsla 20. fundar umhverfis- og samgöngunefndar staðfest á 20. fundi sveitarstjórnar 13. desember 2023 með níu atkvæðum. -
Umhverfis- og samgöngunefnd - 20 Samþykkt um hunda- og kattahald í Skagafirði lögð fram til umræðu og afgreiðslu.
Umhverfis ? og samgöngunefnd felur formanni nefndarinnar að uppfæra samþykktirnar í samræmi við umræður á fundinum og vísa þeim því næst til byggðaráðs.
Bókun fundar Afgreiðsla 20. fundar umhverfis- og samgöngunefndar staðfest á 20. fundi sveitarstjórnar 13. desember 2023 með níu atkvæðum. -
Umhverfis- og samgöngunefnd - 20 Lögð var fram tillaga að gjaldskrá fyrir sorphirðu og sorpeyðingu 2024.
Í ljósi þess að gjald sem innheimt er á að vera sem næst raunkostnaði vegna málaflokksins, leggur umhverfis- og samgöngunefnd upp með að gjaldskráin verði endurskoðuð á fyrsta ársþriðjungi 2024 þegar rauntölur frá 2023 liggja fyrir og í samræmi við magn og gerð úrgangs, endurgreiðslur úr úrvinnslusjóði og annarra þátta sem áhrif hafa á kostnað.
Umhverfis- og samgöngunefnd samþykkir tillöguna og vísar henni til Byggðarráðs.
Bókun fundar Afgreiðsla 20. fundar umhverfis- og samgöngunefndar staðfest á 20. fundi sveitarstjórnar 13. desember 2023 með níu atkvæðum.