Samstarfsnefnd með Akrahreppi

Lögð fram útskrift úr bókhaldi Sveitarfélagsins Skagafjarðar fyrir tímabilið janúar-nóvember 2009 og áætlaða hlutdeild Akrahrepps.

Sveitarfélagið Skagafjörður mun senda fyrstu kröfu nú í desember á alla aðila sem standa að byggingu viðbyggingar við verknámshús FNv.

Vatnsveituframkvæmdir á Vindheimamelum vegna LH 2010. Akrahreppur mun taka þátt í verkefnum tengdum Vindheimamelum með sama hætti og áður.

Fræðslustjóra falið að taka saman eftirfarandi gögn: Reglur um tímafjölda í leikskólum í Skagafirði, kostnað pr. barn í Leiksk. Birkilundi m.v. aðra leikskóla í Skagafirði, nýtingu barna úr Akrahreppi árið 2009. Einnig fá upp fjölda nemenda í Tónlistarskóla Skagafjarðar sem eru með lögheimili utan Skagafjarðar. Jafnfram fá upplýsingar um skiptingu nemenda eftir sveitarfélögum, námi og hvort um er að ræða hálfa eða fulla kennslu.

Lagt fram yfirlit úr fjárhagsáætlun Sveitarfélagsins Skagafjarðar fyrir árið 2010 og hlutdeild Akrahrepps í þjónustu og rekstri.

Fram kom að Sveitarfélagið Skagafjörður áætlar að setja 20 mkr. til viðhalds Félagsheimilisins Miðgarðs. Viðhald annarra eigna í sameign sveitarfélaganna verður eitthvað, en af hálfu Sveitarfélagsins Skagafjarðar er ekki búið að skipta viðhaldsfé ársins 2010 á eignir.