Ár 2003, þriðjudaginn 13. maí, kom Sveitarstjórn Skagafjarðar saman til fundar í Bæjarþingsalnum, Aðalgötu 2, kl. 16⁰⁰.
            Mætt voru:  Gunnar Bragi Sveinsson, Þórdís Friðbjörnsdóttir, Einar E. Einarsson, Gréta Sjöfn Guðmundsdóttir, Bjarni Jónsson, Gísli Árnason, Gísli Gunnarsson, Ásdís Guðmundsdóttir, Sigríður Svavarsdóttir.
 
Forseti setti fund og lýsti dagskrá:
 
DAGSKRÁ:
1.       Fundargerðir
a)      Byggðarráð 30. apríl; 9. maí
b)      Félags- og tómstundanefnd 6. maí
c)      Fræðslu- og menningarnefnd 8. maí
d)      Skipulags- og bygginganefnd 13. maí
 
2.       Bréf og kynntar fundargerðir
.
                                               
AFGREIÐSLUR:
 
1.  Fundargerðir:
 
a)   Byggðarráð 30. apríl
Dagskrá:
1.             Loðskinn Sauðárkróki ehf.
2.             Íbúaþing í Steinsstaðahverfi
3.             Drög að leigusamningum og viðhaldsreglum Eignasjóðs
4.             Styrkumsókn v/Ólympíukeppninnar í efnafræði 
Gísli Gunnarsson kynnti fundargerð. Til máls tóku Gréta Sjöfn Guðmundsdóttir, Einar E. Einarsson, Gunnar Bragi Sveinsson, Þórdís Friðbjörnsdóttir, Bjarni Jónsson, Gísli Gunnarsson. Fleiri kvöddu sér ekki hljóðs. Fundagerð borin undir atkvæði og samþykkt samhljóða. Gréta Sjöfn Guðmundsdóttir óskar bókað að hún sitji hjá við afgreiðslu fundargerðarinnar.
 
Byggðarráð 9. maí
Dagskrá:
1.              Bréf frá Árna Pálssyni lögmanni
2.              Þátttaka í samnorðlensku verkefni í kynningarmálum – Markaðsskrifstofa Norðurlands
3.              Erindi frá Handtaki ehf. um kaup á landi við Kolkuós
4.              Erindi frá Kára Ottóssyni og Guðríði Magnúsdóttur um kaup á landi við Kolkuós
5.              Bréf, kynntar fundargerðir og annað til kynningar
a)      Fundargerðir Framkvæmdanefndar Landsmóts UMFÍ 2004
Gísli Gunnarsson kynnti fundargerð.
 
Til máls tók Gunnar Bragi Sveinsson og leggur fram svofellda bókun:
 
“Á fundi byggðaráðs 25. april 2003 var eftirfarandi samþykkt:
 
“Byggðarráð samþykkir að leita skriflegs álits lögmanns á samningnum í heild sinni með hliðsjón af athugasemdum sem lagðar voru fram á fundinum og með hagsmuni sveitarfélagsins að leiðarljósi.  Samningnum vísað til sveitarstjórnarfundar”.
 
Í inngangi að áliti því sem lögmaðurinn síðan gerði segir hann: “Samkvæmt því sem fram kemur í bókun sem fylgdi erindinu þá er óskað eftir að álit á samningnum í heild með  hagsmuni sveitarfélagsins að leiðarljósi”.
Í bréfi því sem hér er til umfjöllunar, og virðist hafa verið “pantað” af meirihluta sveitarstjórnar, þar sem ljóst er af inngangi þess að lögmaðurinn bað ekki sjálfur um bókunina heldur var hún send honum, kemur eftirfarandi fram”
 
“Enn síður telur undirritaður að það verði lesið úr umsögn minni að samningurinn fari í bága við hagsmuni sveitarfélagsins í veigamiklum atriðum. Það er ekki hlutverk undirritaðs að meta þessa hagsmuni og vonandi kemur það skýrt fram í áliti mínu”.
 
Þessi orð eru ekki í samræmi við ályktun byggðaráðs og því síður í samræmi við það sem fram kemur í áliti lögmannsins. Í áliti lögmannsins kemur skýrt fram að samningurinn gæti ekki hagsmuna sveitarfélagsins. Má það m.a. sjá á eftirfarandi setningu úr áliti lögmannsins:
“Þessi samningur er til langs tíma og því varhugavert að hafa ekki í honum uppsagnarákvæði ef litið er eingöngu á hagsmuni sveitarfélagsins.”
Sú ákvörðun meirihluta sveitarstjórnar að “panta” svar frá lögmanninum gefur til kynna að meirihlutinn telji sig vanta rök til að réttlæta þann dæmalausa samning sem meirihlutinn samþykkti fyrir skömmu. Að okkar mati, og vísum þar m.a. til álits Árna Pálssonar lögmanns, var ekki gætt að hagsmunum sveitarfélagsins við gerð samningsins. Jafnframt bendum við á að verði samningurinn staðfestur af öllum aðilum hans eru þeir hugsanlega að rýra verðmæti þess lands sem samningurinn fjallar um þar sem notkun landsins verður bundin við ákveðna starfsemi í 55 ár. Á næstu árum má búast við að verðmæti þessa lands margfaldist, gangi áform um uppbyggingu iðnaðar eftir eða árangur náist í leit að heitu vatni á svæðinu.”
                                                                                    Gunnar Bragi Sveinsson
                                                                                    Þórdís Friðbjörnsdóttir
                                                                                    Einar E. Einarsson 
Því næst kvöddu sér hljóðs Gísli Árnason, Einar E. Einarsson, þá Gísli Gunnarsson, sem leggur fram eftirfarandi bókun meirihlutans:
 
“Ljóst er á bókun framsóknarmanna frá seinasta sveitarstjórnarfundi að þeir hafa misskilið greinargerð Árna Pálssonar hrl. varðandi leigusamning um hluta af landi Kolkuóss. Um þá bókun segir lögmaðurinn sjálfur í bréfi til sveitarstjórnar m.a.:

“Af þessu tilefni sýnist nér nauðsynlegt að geta þess að í áliti mínu eru ekki gerðar alvarlegar athugasemdir við samninginn amk. var það ekki álit undirritaðs að samningurinn sem slíkur gefi tilefni til þess.
Enn síður telur undirritaður að það verði lesið úr umsögn  minni að samningurinn fari í bága við hagsmuni sveitarfélagsins í veigamiklum atriðum”

- Ósmekklegt er að dylgja um það að lögmaðurinn tjái álit sitt samkvæmt pöntunum.”
 
Fleiri kvöddu sér ekki hljóðs. Fundargerð borin undir atkvæði og samþykkt. Gréta Sjöfn Guðmundsdóttir óskar bókað að hún sitji hjá við afgreiðslu fundargerðarinnar. Fulltrúar Framsóknarflokks sitja hjá við afgreiðslu 4. liðar.
 
 
b)  Félags- og tómstundanefnd 6. maí
Dagskrá:
Félagsmál
1.        Húsnæðismál.
2.        Trúnaðarmál.
3.        Dagmóðurleyfi.
Æskulýðsmál
4.     Starfsemi vinnuskólans sumarið 2003, tillögur starfshóps og
  framkvæmdastjóra  fjölskyldu- og þjónustusviðs.
Íþróttamál
5.     Samningar og fyrirkomulag starfsemi á íþróttamannvirkjum sumarið 2003.
Önnur mál
 
Ásdís Guðmundsdóttir kynnir fundargerðina. Gunnar Bragi Sveinsson kveður sér hljóðs, fleiri ekki. Fundargerð borin undir atkvæði og samþykkt samhljóða.
 
 
c)  Fræðslu- og menningarnefnd 8. maí
Dagskrá:
Menningarmál:
1.      Hátíðarhöld 17. júní.
2.      Önnur menningarmál.
Skólamál:
3.      Málefni Árvistar.
4.      Upptökusvæði skóla.
5.      Beiðni um skólavistun, dags. 1. maí 2003.
6.      Erindi frá Barnaverndarstofu, dags. 28. apríl 2003.
7.      Önnur skólamál.
Tónlistarskóli Skagafjarðar:
8.      Erindi frá skólastjórum Tónlistarskóla Skagafjarðar dags. 4. apríl 2003.
9.      Önnur mál.
 

Gísli Árnason skýrir fundargerðina. Til máls tekur Gréta Sjöfn Guðmundsdóttir og leggur fram bókun:

“Undirrituð  lýsir furðu sinni á stefnuleysi meirihlutans í skóla- og dagvistarmálum á Sauðárkróki. Ekki hefur enn verið tekin ákvörðun um áframhaldandi þróunarvinnu leikskólanna og Árvistar, hvað þá um húsnæðismál Árvistar og leikskólans Furukots og ljóst er að óvissa verður um dagvistar- og leikskólapláss á Sauðárkróki í haust.”

            Gréta Sjöfn Guðmundsdóttir, Skagafjarðarlista.
 
Þá tóku til máls Þórdís Friðbjörnsdóttir, Gísli Árnason, Gísli Gunnarsson, Gunnar Bragi Sveinsson, Gísli Árnason, Þórdís Friðbjörnsdóttir, Gunnar Bragi Sveinsson, Gréta Sjöfn Guðmundsdóttir, Gísli Árnason, Gísli Gunnarsson, Bjarni Jónsson.
Fleiri kvöddu sér ekki hljóðs. Fundargerð borin undir atkvæði og samþykkt samhljóða.
Fulltrúar Framsóknarflokks óska bókað að þeir sitji hjá við afgreiðslu 8. liðar.
 
d)   Skipulags- og byggingarnefnd 13. maí
Dagskrá:
1.      Höfði, Höfðaströnd – umsókn um landskipti.
2.      Syðra-Skörðugil - umsókn um landskipti. Fh. Urðarkattar Einar Einarsson.
3.      Syðra-Skörðugil - umsókn um landskipti. Elvar Eylert Einarsson,   Sigríður Fjóla Viktorsdóttir.
4.      Hraun á Skaga – umsókn um byggingu veiðikofa. Fh landeigenda Jóhann Rögnvaldsson.
5.      Hvannahlíð 9 - umsókn um útlitsbreytingu, sólpall og skjólveggi – Einar P. Guðmannsson.
6.      Fornós 10 - umsókn um setlaug – Ágústa Jóhannsdóttir, Sigurður Eiríksson.
7.      Stóra-Gerði, Óslandshlíð, gámur – Sigurmon Þórðarson.
8.      Suðurgata 10 – bílgeymsla – Guðbrandur Ægir Ásbjörnsson
9.      Önnur mál
 
Gunnar Bragi Sveinsson kynnir fundargerðina. Enginn kvaddi sér hljóðs. Fundargerð borin undir atkvæði og samþ. samhljóða.
Einar E. Einarsson óskar bókað að hann sitji hjá við afgr. 2. og 3. liðar.
 
 
2.       Bréf og kynntar fundargerðir
           
Ekkert liggur fyrir undir þessum lið.
 
 
Dagskrá tæmd. Fundargerð upplesin og samþykkt. Fundi slitið kl. 18,00.
                                                                                   
                                                                                                Engilráð M. Sigurðardóttir, ritari