Atvinnu-, menningar- og kynningarnefnd Svf Skagafjarðar

Í apríl 2017 var auglýst eftir varðveisluhúsnæði fyrir muni Byggðasafns Skagfirðinga. Þrír aðilar svöruðu auglýsingunni en eftir skoðun á þeim kostum er ljóst að enginn þeirra hentar þörfum safnsins án verulegs tilkostnaðar og því mælir atvinnu-, menningar- og kynningarnefnd ekki með neinum þeirra kosta. Atvinnu-, menningar- og kynningarnefnd þakkar þeim sem svöruðu auglýsingunni og veittu aðstoð við skoðun á húsnæðum sínum.

Atvinnu-, menningar- og kynningarnefnd hefur skoðað kosti iðnaðarhúsnæðis sem fyrirhugað er að byggja við Borgarflöt 17-19 á Sauðárkróki og telur það besta kostinn sem bráðabirgðarhúsnæði fyrir muni Byggðasafns Skagfirðinga uns fullbúið varðveisluhúsnæði verður tekið í notkun. Atvinnu-, menningar- og kynningarnefnd mælir með því við byggðarráð að gengið verði til samninga um kaup á fullnægjandi rými að Borgarflöt 17-19.

Lögð fram til kynningar gögn er lúta að endurbótum á Aðalgötu 21.