Atvinnu-, menningar- og kynningarnefnd Svf Skagafjarðar

Tekið fyrir erindi frá Ástu Ólöfu Jónsdóttur fyrir hönd Pilsaþyts dagsett 15.09.21 vegna vígslu á fjallkonu kyrtli. Fyrirhugað er að halda vígslu á fjallkonu kyrtli þann 1. desember nk. með viðhöfn. Farið er þess á leit að sveitarfélagið komi að umsjón með viðburðinum ásamt Pilsaþyt og einnig að sveitarfélagið komi upp sýningarskáp í Safnahúsinu á Sauðárkróki þar sem hann verður til sýnis.
Atvinnu-, menningar- og kynningarnefnd tekur vel í erindið og felur starfsmönnum nefndarinnar að vinna með Pilsaþyt að viðburðinum og fyrirhuguðu sýningarrými í Safnahúsinu á Sauðárkróki.

Teknar fyrir umsóknir um rekstur Menningarhússins Miðgarðs sem auglýst var 7. júlí 2021. Tvær umsóknir bárust og nefndin þakkar góðar umsóknir.
Atvinnu-, menningar- og kynningarnefnd felur starfsmönnum nefndarinnar að ganga til samninga við Sigurlaugu Vordísi Eysteinsdóttur og Sigfús Arnar Benediktsson um rekstur Menningarhússins Miðgarðs.

Atvinnu-, menningar- og kynningarnefnd samþykkir að segja upp leigusamningi frá 1998 á leigulandi í landi Syðri-Mælifellsár.

Lagt fram til kynningar verkefni á vegum Matarkistu Skagafjarðar.
Unnið er að uppfærslu á heimasíðu og endurbættri stefnumörkun fyrir Matarkistuna.

Lagðar fram fundargerðir frá Markaðsstofu Norðurlands.