Atvinnu- og ferðamálanefnd

ATVINNU- OG FERÐAMÁLANEFND SKAGAFJARÐAR
 
Atvinnu- og ferðamálanefnd Skagafjarðar, fundur í Ráðhúsinu á Sauðárkróki,
föstudaginn 27.10.2005, kl. 13:00.
 
DAGSKRÁ:
1)      Kynningar
2)      Verstöðin Hofsós.
3)      Erindi frá Gallerí Rós.
4)      Atvinnuráðstefna SSNV
5)      Reglur um úthlutun byggðakvóta í Skagafirði.
6)      Stefnumótun í Ferðaþjónustu.
7)      Kynningaráætlun.
8)      Hátæknisetur.
9)      Önnur mál.
 
 
AFGREIÐSLUR:
1)      Kynningar:
a.       Þorsteinn Broddason atvinnuráðgjafi frá SSNV kynnti vinnu sína varðandi koltrefjaiðnað.
b.      Ásdís Guðmundsdóttir kynnti stöðu mála varðandi vinnu starfshóps um staðarval iðjuvers á Norðurlandi.
 
2)      Verstöðin Hofsós.
Þorsteinn Broddason atvinnuráðgjafi frá SSNV kynnti samantekt sína sem unnin var að beiðni nefndarinnar.  Samþykkt að óska eftir fundi með samgöngunefnd um hafnarmál á Hofsósi.
 
3)      Erindi frá Gallerí Rós.
Tekið fyrir erindi frá Gallerí Rós, frestað frá síðasta fundi.  Samþykkt að styrkja fyrirtækið um kr. 200.000 vegna nýsköpunar innan fyrirtækisins.
 
4)      Atvinnuráðstefna SSNV
Þorsteinn Broddason atvinnuráðgjafi frá SSNV kynnti fyrirhugaða ráðstefnu um atvinnumál sem fram fer á Sauðárkróki föstudaginn 4. nóvember n.k.
 
5)      Reglur um úthlutun byggðakvóta í Skagafirði.
Áskell Heiðar sviðsstjóri lagði fram til kynningar reglur um úthlutun Byggðakvóta í Skagafirði sem samþykktar voru í Byggðaráði í vikunni.
 
6)      Stefnumótun í Ferðaþjónustu.
Áskell Heiðar sviðsstjóri fjallaði um vinnu við stefnumótun og lagði fram til kynningar stöðumat sem ferðamáladeild Hólaskóla hefur unnið um ferðaþjónustu í Skagafirði.
 
7)      Kynningaráætlun.
Áskell Heiðar sviðsstjóri fjallaði um vinnu við gerð kynningarefnis fyrir sveitarfélagið.  Sviðsstjóra falið að vinna að gerð viðhorfskönnunar meðal íbúa í Skagafirði, sem Félags- og tómstundanefnd og Fræðslu- og menningarnefnd hafa tekið vel í að fjármagna ásamt Atvinnu- og ferðamálanefnd.  Drög að samningi um framkvæmd könnunarinnar verður lagt fyrir næsta fund.
 
8)      Hátæknisetur.
Rætt um næstu skref varðandi uppsetningu Hátækniseturs á Sauðárkróki.  Samþykkt að vinna drög að samningi milli ríkis og sveitarfélagsins um uppbyggingu hátækniseturs og vinna að frekari fjármögnun málsins.
 
9)      Önnur mál
Voru engin.
 
 
Fleira ekki gert og fundi slitið kl. 15.30
Fundinn sátu Gísli Sigurðsson, Jón Garðarson, Bjarni Jónsson og Áskell Heiðar Ásgeirsson sem ritaði fundargerð.  Þorsteinn Broddason sat fundinn undir liðum 1-4.
Fundargerð lesin upp og samþykkt.