Atvinnu- og ferðamálanefnd

Lagt fram erindi frá eigendum Kaffi Króks þar sem óskað er eftir samstarfi við sveitarfélagið um nýtingu á bakhúsi Kaffi Króks. Sviðsstjóra falið að ræða við eigendur og aðra sem málið varðar.

Lagt fram erindi frá Hjalta Þórðarsyni þar sem óskað er eftir stuðningi við útgáfu á fjórða kortinu í röð gönguleiðakorta af Tröllaskaga. Kortið er af norðvestur hluta Tröllaskaga og áætlað er að það komi út í vor.

Nefndin samþykkir að styrkja verkefnið um kr. 400.000 af lið 13090.

Lagt fram erindi frá Félagi ferðaþjónustunnar í Skagafirði þar sem óskað er eftir áframhaldandi samstarfi um uppbyggingu bókunarþjónustu fyrir Norðurland vestra. Nefndin samþykkir að halda áfram samstarfi um verkefnið, þar sem reynsla af því var góð sl. sumar.

Páll Dagbjartsson vék af fundi við afgreiðslu málsins.

Lagt fram til kynningar bréf frá Alþingi þar sem tilkynnt er um styrk til Hátækniseturs Íslands til rannsókna á basalttrefjum.

Lagt fram til kynningar bréf frá Alþingi þar sem tilkynnt er um styrk til uppbyggingar Fab Lab stofu á Sauðárkróki.