Byggðarráð Svf. Skagafjarðar

Lagt fram bréf frá Ungmennafélagi Íslands, þar sem auglýst er eftir umsóknum aðildarfélaga um Landsmót UMFÍ 50+ árið 2015
Byggðarráð tekur jákvætt í erindið og felur sveitarstjóra að hefja viðræður við UMSS um málið.

Í bréfi frá Eftirlitsnefnd með fjármálum sveitafélaga, um fjárhagsleg viðmið sveitastjórnarlaga, kemur fram að ekki er óskað eftir frekari upplýsingum frá sveitarfélaginu vegna skyldu sveitarfélagsins til að útbúa áætlun í samræmi við 16. gr. reglugerðar nr 502/2012

Stefán Vagn Stefánsson og Bjarni Jónsson óska bókað:
Umrætt bréf staðfestir þann mikla viðsnúning sem hefur orðið í rekstri sveitarfélagsins á árinu 2012 í kjölfar umfangsmikilla hagræðingaraðgerða.
Einnig er ljóst að eftirlitsnefnd um fjármál sveitarfélaga lítur þannig á að sveitarfélagið fari ekki yfir þau viðmiðunarmörk sem sett hafa verið um skuldaþak sveitarfélaga þrátt fyrir að viðbygging og endurbætur við Árskóla ásamt fleiri framkvæmdum í sveitarfélaginu séu þar inni. Þetta eru afar jákvæð tíðindi og staðfesta þann málflutning sem haldið hefur verið fram í sveitarstjórn, að framkvæmdir falli innan þeirra viðmiðunarmarka sem sett hafa verið.


Jón Magnússon leggur fram eftirfarandi bókun:
Umrætt bréf byggir á áætlunum sveitarfélagsins til þriggja ára ásamt áætlun 2012. Engar rauntölur liggja fyrir á þessari stundu og því varhugavert að byggja endanlega á þessum niðurstöðum.

Sigurjón Þórðarson og Þorsteinn Tómas Broddaon leggja fram eftirfarandi bókun:
Umrætt bréf segir nákvæmlega ekkert um viðsnúning í rekstri Sveitarfélagins eða hvað þá lækkað skuldahlutfall enda liggja ekki fyrir reikningar Sveitarfélagsins Skagafjarðar fyrir árið 2012

Sveitarstjóri upplýsti um málið og telur að Vegagerðin muni draga umrætt bréf til baka.

Vinabæjarmót í Esbo í Finnlandi 28-31. maí 2013 Lagt fram til kynningar.

Byggðarráð samþykkir að kjörstaðir verði á eftirtöldum stöðum í sveitarfélaginu: Steinsstöðum, Varmahlíð, Sauðárkróki, á Skaga, að Hólum, Hofsósi í Fljótum og Heilbr.stofnuninni Sauðárkróki

Lagður fram tölvupóstur frá Isavia um þjónustu við áætlunarflug á Sauðárkrók, bréfið var til kynningar.

Kynning á fyrirhugaðri viðbótarþjónustu Strætó, áætlanir gera ráð fyrir ferðum á milli Sauðárkróks, Hofsós og Hóla í tenglum við áætlun strætó í dag.

Fundagerð 1. fundar Hættumatsnefndar Skagafjarðar frá 7. febrúar 2013 lögð fram til kynningar.

Lagt fram bréf frá Varasjóði Húsnæðismála vegna úthlutnar viðbótarframlags vegna sölu félagslegra íbúða. Bréfið var til kynningar.

Fundargerð 4. fundar ásamt ársreikningi Sjávarútvegssveitarfélaga lögð fram til kynningar.

Lagt fram til kynningar bréf frá Lánasjóði Sveitarfélaga um breytingar á vaxtakjörum til útlána af eigin fé.

Bréf frá Símanum um uppbyggingu ljósnets á landsbyggðinni lagt fram til kynningar.

Fundargerð frá Veitu og framkvæmdasviði frá 8. febrúar 2013 um opnun tilboða í flotbryggjur við Sauðárkrókshöfn lögð fram til kynningar.

Samþykkt að Stefán Vagn Stefánsson fari með atkvæðisrétt Sveitarfélagsins Skagafjarðar á aðalfundi Gagnaveitunnar.