Byggðarráð Svf. Skagafjarðar

289. fundur 21. desember 2004

Byggðarráð Skagafjarðar
Fundur 289 – 21.12. 2004

Ár 2004, þriðjudaginn 21. des. kom byggðarráð saman til fundar í Ráðhúsinu kl. 13¹⁵.
Mætt voru: Gísli Gunnarsson, Bjarni Jónsson, Gunnar Bragi Sveinsson, Gréta Sjöfn Guðmundsdóttir áheyrnarfulltrúi S-lista og Ársæll Guðmundsson, sveitarstjóri.

Dagskrá:

                  1.            Brunavarnir Skagafjarðar – vinnuferlar. Óskar S. Óskarsson slökkviliðsstjóri kemur til fundar
                  2.            Kaupsamningur v/eigna Skógræktar ríkisins í landi Reykjarhóls
                  3.            Úthlutun kvóta til Hofsóss
                  4.            Umsókn um niðurfellingu gjalda
                  5.            Starfsmat
                  6.            Fjárhagsáætlun 2005
                  7.            Eignasjóður
a)      Íbúðakaup
                  8.            Bréf og kynntar fundargerðir:
a)      Bréf frá Samtökum dragnótamanna
b)      Tilkynningar skv. 10. gr. jarðalaga nr. 81/2004
                                                         i.      Aðilaskipti á jörðinni Steintúni, landnr. 146234
                                                       ii.      Aðilaskipti á jörðinni Stóru-Brekku, landnr. 146903

Afgreiðslur:

1.      Lagðir fram vinnuferlar frá Brunavörnum Skagafjarðar – áður á dagskrá byggðarráðs 30. nóvember og 7. desember sl. Óskar S. Óskarsson slökkviliðsstjóri kom til viðræðu um málið. Einnig var fjallað um önnur mál er lúta að starfi slökkviliðsins.
Byggðarráð samþykkir vinnuferla Brunavarna Skagafjarðar vegna eftirfylgni skoðana og beitingu þvingunarúrræða.
Byggðarráð vill koma á framfæri þakklæti til slökkviliðsins fyrir skjót viðbrögð og gott starf þegar hörmulegur bruni átti sér stað á Sauðárkróki fyrir skemmstu.

Óskar vék af fundi.

2.      Lagður fram kaupsamningur milli Skógræktar ríkisins og Sveitarfélagsins Skagafjarðar um 0,990 ha spildu úr jörðinni Reykjarhóli (landnúmer 146063) ásamt aðstöðuhúsum. Kaupverðið er kr. 600.000. Einnig er samkomulag greiðslu fyrir ræktun að upphæð kr. 510.000.
Byggðarráð samþykkir ofangreint.

3.      Lagt fram til kynningar bréf frá sjávarútvegsráðuneytinu, dagsett 6. desember 2004 þar sem fram kemur að 77,7 þorskígildistonn koma í hlut Hofsóss á yfirstandandi fiskveiðiári skv. reglugerð um úthlutun kvóta til stuðnings byggðarlögum.

4.      Sjá trúnaðarbók.

5.      Sveitarstjóri kynnti og fór yfir starfsmat og útreikninga tengda þeim. Komið er í ljós að leiðrétting frá 1. desember 2002 til 31.12. 2004 mun kosta sveitarfélagið rúmlega 30 milljónir króna.

6.      Sveitarstjóri lagði fram fjárhagsáætlun sveitarfélagsins og stofnana þess vegna ársins 2005.
Byggðarráð samþykkir að vísa fjárhagsáætluninni með áorðnum breytingum til síðari umræðu sveitarstjórnar. Gunnar Bragi Sveinsson óskar bókað: “ Undirritaður lýsir furðu sinni á því að samgöngunefnd hafi aldrei fjallað um fjárhagsáætlun sveitarfélagsins og því aldrei samþykkt eða hafnað þeim liðum er undir hana heyra. Í 44. gr. samþykkta Sveitarfélagsins Skagafjarðar segir að nefndir eigi að skila tillögum að fjárhagsáætlun til byggðaráðs. Því tel ég að formaður samgöngunefndar eigi að kalla nefndina saman nú þegar og fjalla um fjárhagsáætlunina eins og nefndinni ber að gera”.

7.      Eignasjóður:
a)      Sveitarstjóri upplýsti að sveitarfélagið keypti á nauðungarsölu íbúð og bílskúr að Öldustíg 7, Sauðárkróki.

8.      Bréf og kynntar fundargerðir:
a)      Lagt fram bréf frá Samtökum dragnótamanna dagsett 2. desember 2004 ásamt ályktun aðalfundar samtakanna 27. nóvember 2004.
b)      Tilkynningar skv. 10. gr. jarðalaga nr. 81/2004
                                                   i.      Aðilaskipti á jörðinni Steintúni, landnr. 146234
                                                 ii.      Aðilaskipti á jörðinni Stóru-Brekku, landnr. 146903

Fleira ekki gert, fundargerð upplesin og samþykkt, fundi slitið kl. 16¹⁵.