Byggðarráð Svf. Skagafjarðar

298. fundur 01. mars 2005

Byggðarráð Skagafjarðar
Fundur 298 – 01.03. 2005

Ár 2005, þriðjudaginn 1. mars kom byggðarráð saman til fundar í Frændgarði á Hofsósi
kl. 10³⁰.
Mætt voru: Gísli Gunnarsson, Bjarni Jónsson, Gunnar Bragi Sveinsson, Gréta Sjöfn Guðmundsdóttir, áheyrnarfulltrúi S-lista og Ársæll Guðmundsson, sveitarstjóri.

Byggðarráð byrjaði á því að funda með starfsfólki Norðuróss ehf á Hofsósi kl. 09³⁰
síðan var haldið í Frændgarð og gengið til dagskrár.

Dagskrá:

                  1.            Viggó Einarsson kemur til fundar
                  2.            Íbúasamtökin Út að austan – fulltrúar þeirra koma til fundar
                  3.            Sparkvöllur á Hofsós
                  4.            Ágúst Sigurðsson kemur til fundar
                  5.            Gjaldskrá fyrir fráveitugjöld og tæmingu rotþróa
                  6.            Umsögn um umsókn Félagsheimilisins Ljósheima um endurnýjun á leyfi til að reka félagsheimili með veisluþjónustu, veitingasölu og gistingu í svefnpokaplássi
                  7.            Erindi frá Drangeyjarfélaginu – nytjar Drangeyjar á Skagafirði
                  8.            Eignasjóður:
a)      Kauptilboð í Laugaveg 5, Varmahlíð
b)      Kauptilboð í Raftahlíð 48, Sauðárkróki
                  9.            Bréf og kynntar fundargerðir:
a)      Fundargerð stjórnar Sambands ísl. sveitarfélaga 18. febrúar 2005
b)      Uppgjör staðgreiðslu tekjuárið 2004

Afgreiðslur:

1.      Viggó Einarsson kom á fund byggðarráðs til viðræðu um kvótamál og fiskvinnslu á Hofsósi.
- Viggó vék af fundi.

2.      Fulltrúar íbúasamtakanna Út að austan komu á fundinn; Bjarni Þórisson, Eiríkur Arnar Frímannsson og Þorgils Pálsson, til viðræðu um sparkvöll á Hofsósi.
- Viku þeir síðan af fundi.

3.      Sparkvöllur á Hofsósi.
Byggðarráð samþykkir að undirbúningsvinna verði hafin við gerð sparkvallar við Grunnskólann á Hofsósi. Ákveðið var að leita eftir samningum við Umf. Neista um gerð vallarins.

4.      Ágúst Sigurðsson kom á fund byggðarráðs til viðræðu um fiskvinnslu á Hofsósi.
- Ágúst vék af fundi.

5.      Lögð fram gjaldskrá fyrir fráveitugjald og tæmingu rotþróa í Sveitarfélaginu Skagafirði ásamt samþykkt um fráveitu í Sveitarfélaginu Skagafirði.
Byggðarráð samþykkir samþykktina og gjaldskrána.

6.      Lagt fram bréf frá Sýslumanninum á Sauðárkróki, dagsett 23. febrúar 2005, þar sem óskað er eftir umsögn um umsókn Félagsheimilisins Ljósheima um endurnýjun á leyfi til að reka félagsheimili með veisluþjónustu, veitingasölu og gistingu í svefnpokaplássi í félagsheimilinu.
Byggðarráð gerir ekki athugasemdir við umsóknina.

7.      Lagt fram bréf frá Drangeyjarfélaginu, dagsett 23. febrúar 2005, þar sem óskað er eftir heimild til að nytja eyna a.m.k. árið 2005 á sama hátt og verið hefur.
Byggðarráð samþykkir að heimila Drangeyjarfélaginu að nytja eyna árið 2005.

8.      Eignasjóður:
a)      Lögð fram tvö kauptilboð í fasteignina Laugaveg 5 (Sjónarhól) í Varmahlíð.
Byggðarráð samþykkir að vísa tilboðunum til samráðsnefndar.

b)      Lagt fram tilboð í fasteignina Raftahlíð 48, Sauðárkróki
Byggðarráð samþykkir að óska eftir mati fasteignasala á söluverðmæti fasteignarinnar.

9.      Bréf og kynntar fundargerðir:
a)      Lögð fram fundargerð 722. fundar stjórnar Sambands íslenskra sveitarfélaga 18. febrúar 2005.
b)      Lagt fram staðgreiðsluuppgjör ársins 2004.

Fleira ekki gert, fundargerð upplesin og samþykkt, fundi slitið kl. 12¹⁵