Byggðarráð Svf. Skagafjarðar
Fundur 308 - 14. júní 2005
Ár 2005, þriðjudaginn 14. júní kl. 10:00, kom Byggðarráð Skagafjarðar saman til fundar í Ráðhúsinu á Sauðárkróki.
Fundinn sátu:
Bjarni Jónsson, Gísli Gunnarsson, Gunnar Bragi Sveinsson og Gréta Sjöfn Guðmundsdóttir
Auk þess sátu fundinn Ársæll Guðmundsson
Fundarritari var Margeir Friðriksson
| Lagt fram | |||
| 1. | Ársreikningur sveitarfélagsins 2004 | Mál nr. SV050091 | |
Kristján Jónasson lögg. endurskoðandi hjá KPMG kom á fundinn og kynnti niðurstöðu ársreiknings sveitarfélagsins og stofnana þess fyrir árið 2004.
Vék hann svo af fundi.
Byggðarráð vísar ársreikningnum til fyrri afgreiðslu sveitarstjórnar 16. júní 2005.
| 2. | Hátæknisetur á Sauðárkróki | Mál nr. SV050081 | |
Bjarni Jónsson kynnti vinnu við skýrslugerð um hátæknisetur á Sauðárkróki.
Kynning á skýrslunni verður fimmtudaginn 16. júní 2005 fyrir sveitarstjórnarfulltrúa.
| 3. | Verstöðin Hofsós | Mál nr. SV050082 | |
Bjarni Jónsson kynnti frumskýrslu um verstöðina Hofsós. Greiningu á möguleikum þess að efla Hofsós sem smábátaverstöð.
Byggðarráð samþykkir að vinna áfram að málinu og að óska eftir umsögn samgöngunefndar.
| 4. | Auglýsing til sveitarstjórna um úthlutun byggðakvóta | Mál nr. SV050084 | |
Bréf frá sjávarútvegsráðuneyti, dagsett 7. júní 2005, þar sem fram kemur að sveitarfélög eiga kost á að sækja um byggðakvóta á grundvelli 2. tl. 9.gr. laga nr. 38/1990, um stjórn fiskveiða með síðari breytingum. Til greina koma við úthlutun byggðakvóta, byggðarlög með færri íbúum en 1.500 sem lent hafa í vanda vegna samdráttar í sjávarútvegi og eru háð veiðum og vinnslu á botnfiski, einnig byggðarlög sem orðið hafa fyrir óvæntri skerðingu á heildaraflaheimildum fiskiskipa sem gerð hafa verið út og landað afla í viðkomandi byggðarlögum og sem veruleg áhrif hefur haft á atvinnuástand í þeim.. Umsóknarfrestur er til 7. júlí 2005.
Byggðarráð samþykkir að fela sveitarstjóra að sækja um byggðakvóta og kalla eftir upplýsingum um nýtingu á síðustu úthlutun til sveitarfélagsins.
| Erindi til afgreiðslu | |||
| 5. | Erindi frá nefndum til byggðarráðs | Mál nr. SV050078 | |
Erindi vísað til byggðarráðs frá Skipulags- og byggingarnefnd og Samgöngunefnd.
Frá skipulags- og bygginganefnd 9. júní 2005:
a) Gilstún 30, Sauðárkróki. Bréf frá Kára Birni Þorsteinssyni, þar sem óskað er eftir að sveitarfélagið komi til móts við bréfritara og taki þátt í óeðlilega miklum kostnaði við gröft og fyllingu á húsgrunni.
Frá samgöngunefnd 9. júní 2005:
b) Tilboð í lengingu sandfangara við Sauðárkrókshöfn frá Víðimelsbræðrum ehf.
a) Byggðarráð samþykkir að taka þátt í kostnaði við að gera lóðina byggingarhæfa. Umhverfis- og tæknisviði falið að ganga frá málinu.
b) Byggðarráð samþykkir tilboð Víðimelsbræðra ehf.
| 6. | Lundur í Varmahlíð - Lóðarmál | Mál nr. SV050087 | |
Erindi tilkomið frá Skipulags- og byggingarnefnd frá 9. júní 2005.
Byggðarráð samþykkir afgreiðslu skipulags- og bygginganefndar.
| 7. | Tilboð í bryggjukrana Sauðárkrókshöfn | Mál nr. SV050080 | |
Erindi tilkomið frá Samgöngunefnd 9. júní 2005
Byggðarráð samþykkir að gengið verði að tilboðinu.
| Lagt fram | |||
| 8. | Malbikun á syðsta hluta Spítalastígs | Mál nr. SV050079 | |
Bréf frá Heilbrigðisstofnuninni Sauðárkróki, dagsett 1. júní 2005 varðandi malbikun á syðsta hluta Spítalastígs.
Byggðarráð vísar erindinu til umsagnar umhverfis- og tæknisviðs.
| 9. | Tilboð vegna lands neðan þjóðvegar við Ásgarð Erindi frá Sveini Ragnarssyni | Mál nr. SV050028 | |
Lagðar fram álitsgerðir skipulags- og byggingarnefnar og landbúnaðarnefndar að beiðni byggðarráðs frá 10. maí 2005.
Byggðarráð samþykkir að fresta afgreiðslu málsins.
| 10. | Vélhjólaklúbbur Skagafjarðar - aksturskeppni | Mál nr. SV050086 | |
Lagt fram bréf þar sem óskað er leyfis til að halda aksturskeppni vélhjóla á Sauðárkróki dagana 17.-18. júní 2005. Keppt verður í fimm greinum víða á Sauðárkróki.
Byggðarráð samþykkir að veita leyfi til notkunar á þeim svæðum sem tilheyra sveitarfélaginu.
| Lagt fram til kynningar | |||
| 11. | Dagur borgaravitundar og lýðræðis 2005 | Mál nr. SV050090 | |
Bréf frá menntamálaráðuneyti, dagsett 31. maí 2005, um dag borgaravitundar og lýðræðis 2005. Tilmælum beint til leik-, grunn- og framhaldsskóla og æskulýðssamtaka að 12. október 2005 verði sérstaklega helgaður þessu verkefni.
| Erindi til afgreiðslu | |||
| 12. | Beiðni um styrk v. ævisögu Stephans G. | Mál nr. SV050088 | |
Erindi frá Viðari Hreinssyni um styrk til að þýða verk sitt, ævisögu Stephans G. yfir á ensku.
Byggðarráð fagnar þessu framtaki, en sér sér ekki fært að veita frekari styrkt til ritunar ævisögu Stephans G. Stephanssonar.
| 13. | Félagsheimilið Skagasel - endurnýjun gistingarleyfis | Mál nr. SV050085 | |
Lagt fram bréf frá sýslumanninum á Sauðárkróki, dagsett 7. júní 2005 þar sem óskað er umsagnar um umsókn Félagsheimilisins Skagasels um endurnýjun á leyfi til að selja gistingu í félagsheimilinu.
Byggðarráð gerir ekki athugasemd við umsóknina.
| 14. | Skarðsá beiðni um leigutöku | Mál nr. SV050089 | |
Erindi tilkomið frá Landbúnaðarnefnd vegna umsóknar Ingva Sigfúsonar o.fl um land til leigu undir sumarhús í landi Skarðsár.
Byggðarráð samþykkir að óska eftir að fá Ingva á fund byggðaráðs til viðræðu.
| Lagt fram | |||
| 15. | Veiðifélag Miklavatns og Fjótaár | Mál nr. SV050092 | |
Lagt fram aðalfundarboð veiðifélagsins, fundurinn verður í Félagsheimilinu Ketilási 19. júní 2005,
Byggðarráð samþykkir að formaður landbúnaðarnefndar sæki fundinn.
Fleira ekki fyrir tekið, fundargerð upplesin og samþykkt.
Fundi slitið kl. 12:30
Margeir Friðriksson , ritari fundargerðar