Byggðarráð Svf. Skagafjarðar
Fundur 312
9. ágúst 2005
Ár 2005, þriðjudaginn 9. ágúst kl. 10:00, kom Byggðarráð Skagafjarðar saman til fundar í Ráðhúsinu á Sauðárkróki.
Fundinn sátu:
Bjarni Jónsson, Helgi Þór Thorarensen, Gísli Gunnarsson og Gunnar Bragi Sveinsson
Auk þess sátu fundinn Ársæll Guðmundsson og Margeir Friðriksson
Fundarritari var Margeir Friðriksson
| Lagt fram | |||
| 1. | Ferðaþjónustuaðilar Bakkaflöt og Lýtingsstöðum | Mál nr. SV050131 | |
Lagt fram til kynningar afrit af bréfi Samkeppniseftirlitsins til ferðaþjónustuaðila að Bakkaflöt og Lýtingsstöðum, dagsett 2. ágúst 2005 varðandi sveitarfélagið.
| 2. | Heimild fyrir tjaldsvæði á Nöfum | Mál nr. SV050134 | |
Tillaga frá formanni byggðarráðs og sveitarstjóra til byggðarráðs.
Undirritaðir leggja til við byggðarráð að heimila umhverfis- og tæknisviði að hefja vinnu við skipulagningu tjaldsvæðis á Nöfunum ofan Sundlaugar Sauðárkróks. Einnig að reiknað verði með framkvæmdakostnaði við uppbyggingu tjaldsvæðisins við endurskoðun fjárhagsáætlunar ársins 2005 og við gerð fjárhagsáætlunar ársins 2006 með það fyrir augum að hægt verði að taka tjaldsvæðið í notkun á árinu 2006.
Byggðarráð samþykkir tillöguna.
| 3. | Innröðun slökkviliðsmanna hjá Brunavörnum Skagafjarðar | Mál nr. SV050130 | |
Erindi frá samstarfsnefnd LN og LSS varðandi innröðun slökkviliðsmanna hjá Brunavörnum Skagafjarðar. Dagsett 15. júní 2005. Meðfylgjandi eru drög að afgreiðslu.
Byggðarráð samþykkir að fela sveitarstjóra að svara erindinu. Gunnar Bragi Sveinsson óskar bókað að hann sitji hjá við afgreiðslu á drögum að svari. Helgi Thorarensen óskar bókað að hann taki ekki afstöðu til málsins.
| 4. | Ósk um kaup á Stórhóli | Mál nr. SV050132 | |
Erindi dagsett 27. júlí 2005 frá Þórarni Guðna Sverrissyni og Sigrúnu Helgu Indriðadóttur um umsögn sveitarfélagsins vegna kaupa á jörðinni Stórhól í Skagafirði, skv. 36.gr. jarðalaga nr. 81/2004.
Á jörðinni Stórhól hafa ábúendur jarðarinnar Þórarinn Guðni Sverrisson og Sigrún Helga Indriðadóttir haft jörðina í ábúð. Eiga þau þar lögheimili og hafa ábúendur setið jörðina vel og mælir byggðarráð með því að þeir fái jörðina keypta.
| 5. | 050722 Fundargerð Skipulags- og bygginganefndar | Mál nr. SV050136 | |
Fundargerð Skipulags- og bygginganefndar frá 22. júlí 2005. Fundargerðin er í 15 dagskrárliðum.
Byggðarráð samþykkir fundargerðina. Bjarni Jónsson óskar bókað að hann taki ekki þátt í afgreiðslu 1. liðar.
| 6. | 050803 Fundargerð Samgöngunefndar | Mál nr. SV050135 | |
Lögð fram fundargerð Samgöngunefndar frá 3. ágúst 2005. Fundargerðin er i fimm dagskrárliðum.
Byggðarráð samþykkir fundargerðina.
| Lagt fram til kynningar | |||
| 7. | Heilbrigðisnefnd - fundargerð | Mál nr. SV050139 | |
Fundargerð Heilbrigðisnefndar Norðurlands vestra frá 3. ágúst 2005, lögð fram til kynningar. Fundargerðin er í fjórum dagskrárliðum.
| Erindi til afgreiðslu | |||
| 8. | Sorpförgun fyrir Norðurland vestra. Tillaga að matsáætlun | Mál nr. SV050102 | |
Ósk um umsögn um tillögu matsáætlunarinnar. Áður á dagskrá byggðarráðs 5. júlí sl.
Byggðarráð samþykkir þessar tillögur að matsáætlun.
Gunnar Bragi Sveinsson óskar bókað:#GLÍ matsskýrslunni (bls. 2-3 og 18) kemur fram að ákveðið sé að fyrirhugað sorprðunarsvæði í landi Kolkuóss verði ekki með og það hafi verið dregið út úr ferlinu. Formleg samþykkt um að svæðið skuli dregið út úr hefur ekki verið gerð í sveitarstjórn. Því tel ég augljóst að svæðið eigi enn að vera með. Þá kemur fram á bls. 4 að gert sé ráð fyrir sorpflokkunarstöð í malarnámum við Gönguskarðsá. Undirrituðum er ekki ljóst hvar sú ákvörðun var tekin, því greiði ég atkvæði á móti afgreiðslunni.#GL
Bjarni Jónsson óskar bókað: #GLMikilvægt er að leiða til lykta staðarval fyrir sorpförgun á Norðurlandi vestra. Það má vera ljóst að takmarkaður áhugi er fyrir því á svæðinu að gera Brimnes eða Kolkuós að sorpsvæði fyrir landshlutann þó að þeirra staða sé getið í tillögu að matsáætlun fyrir sorpförgun á Norðurlandi vestra. Jafnframt myndi slík starfsemi ekki samræmast þeirri uppbyggingu sem á sér þar nú stað á sviði skógræktar, fornleifarannsókna, menningartengdrar ferðaþjónustu og annarar vistvænnar starfsemi. Skerpa þarf á lífríkisrannsóknum í tengslum við matið og benda má á í því sambandi að ekki hefur verið sinnt athugasemdum um að kanna möguleg áhrif sorpförgunar á Kolkuóssvæðinu á lífríki Hjaltadalsár og Kolku#GL.
| 9. | Erindi frá Fél-tóm, hljóðkerfi | Mál nr. SV050133 | |
Erindi frá formanni félags- og tómstundanefndar dagsett 5. ágúst 2005 um heimild til samninga vegna kaupa og uppsetningar á hljóðkefi fyrir íþróttamannvirki á Sauðárkróki.
Byggðarráð samþykkir að heimila félags- og tómstundanefnd að ganga til samninga um hljóðkerfið á grundvelli tillögu nefndarinnar, enda rúmist fjárútgjöldin innan fjárheimilda.
| Lagt fram | |||
| 10. | Heildarmat á framkvæmt gildandi byggðaáætlunar 2002-2005 | Mál nr. SV050107 | |
Erindi frá þróunarsviði Byggðastofnunar, dagsett 15. júní 2005, þar sem farið er fram á mat sveitarfélagsins á framkvæmd byggðaáætlunar 2002 - 2005.
Byggðarráð telur eðlilegt að erindinu sé svarað af hálfu SSNV.
| Erindi til afgreiðslu | |||
| 11. | Rekstarstyrkir til björgunarsveita | Mál nr. SV050137 | |
Lögð fram tillaga um að skipting rekstrarstyrkja til björgunarsveita í Skagafirði verði eftirfarandi árið 2005: Skagfirðingasveit á Sauðárkróki kr. 600.0000, Flugbjörgunarsveitin í Varmahlíð kr. 450.000 og Björgunarsveitin Grettir á Hofsósi kr. 450.000. Fjárveitingin er tekin af málaflokki 07890.
Byggðarráð samþykkir tillöguna.
| Lagt fram til kynningar | |||
| 12. | Reglugerð um úthlutun byggðakvóta | Mál nr. SV050138 | |
Bréf frá sjávarútvegsráðuneytinu, dagsett 5. ágúst 2005 varðandi úthlutun byggðakvóta. Vísað er í reglugerð nr. 723 frá 4. ágúst 2005 um ráðstöfun á 4.010 þorskígildistonnum til stuðnings byggðarlögum fiskveiðiárið 2005/2006. (vefslóð http://www.sjavarutvegsraduneyti.is/log-og-reglugerdir/reglugerdir/2004_2005/nr/1021)
| Erindi til afgreiðslu | |||
| 13. | Kaupsamningur við Svavar Jónsson | Mál nr. SV050140 | |
Lagður fram kaupsamningur við Svavar Jónsson um kaup á erfðafestulandi á Nöfum við Sauðárkrók. Þjóðskrárnúmer landsins er 9999-0330 og stærð 0,7 ha. Kaupverð kr. 176.080.
Byggðarráð samþykkir kaupsamninginn.
| Lagt fram | |||
| 14. | Umsögn um umsókn gistiheimili Hólaskóla | Mál nr. SV050141 | |
Lagt fram bréf frá sýslumanninum á Sauðárkróki, dagsett 29. júlí 2005 þar sem óskað er umsagnar um umsókn Hólaskóla um leyfi til að reka gistiheimili í húsnæði skólans og smáhýsum tengdum honum.
Byggðarráð gerir ekki athugasemdir við umsóknina.
Fleira ekki fyrir tekið, fundargerð upplesin og samþykkt.
Fundi slitið kl. 12:05
Margeir Friðriksson , ritari fundargerðar
| | |
| | |