Byggðarráð Svf. Skagafjarðar

333. fundur 07. febrúar 2006

Byggðarráð Skagafjarðar
Fundur 333 - 7. febrúar 2006

Ár 2006, þriðjudaginn 7. febrúar kl. 10:00, kom Byggðarráð Skagafjarðar saman til fundar í Ráðhúsinu á Sauðárkróki.

Fundinn sátu:
Helgi Þór Thorarensen, Ársæll Guðmundsson, Gísli Gunnarsson og Gunnar Bragi Sveinsson.
Auk þess sátu fundinn Margeir Friðriksson

Fundarritari var Margeir Friðriksson

Lagt fram

1.	Upplýsingaveita	Mál nr. SV060070

Stjórn Skagafjarðarveitna ehf. ásamt veitustjóra og sviðsstjóra markaðs- og þróunarsviðs komu til fundar og fóru yfir stöðu mála varðandi fjórðu veituna; upplýsingaveituna. Viku þau svo af fundi.

Erindi til afgreiðslu

2.	Geitagerði, Hólum - Beiðni um götuljós	Mál nr. SV060068

Erindi dagsett 28. janúar 2006, frá Stúdentafélagi Háskólans á Hólum varðandi ósk um uppsetningu á götulýsingu í Geitagerði á Hólum.
Byggðarráð samþykkir að fela tæknideild að kanna málið.



3.	Krabbameinsfélag Skagafjarðar - beiðni um styrk	Mál nr. SV060073

Umsókn dagsett 12. janúar 2006 frá Krabbameinsfélagi Skagafjarðar um styrk til starfseminnar.
Byggðarráð samþykkir að styrkja félagið um kr. 50.000. Fjármagnið verður tekið af fjárhagslið 21010.



4.	Beiðni um leyfi frá störfum	Mál nr. SV060048

Unnar Ingvarsson, forstöðumaður Fræðaseturs Skagfirðinga óskar eftir námsleyfi. Áður á dagskrá byggðarráðs 31. janúar 2006.
Byggðarráð samþykkir að veita Unnari launað leyfi í fjóra mánuði á grunnlaunum, fyrri hluta árs 2007, sbr. lið 8.2.1 í kjarasamningi LN og FÍF.

Lagt fram

5.	Endurskoðun Jöfnunarsjóðs sveitarfélaga	Mál nr. SV060069

Bréf frá Jöfnunarsjóði sveitarfélaga, dagsett 26. janúar 2006, þar sem óskað er eftir ábendingum um fyrirkomulag jöfnunar milli sveitarfélaga.
Byggðarráð samþykkir að fela sveitarstjóra að leggja fram drög að svari til Jöfnunarsjóðs.



6.	Kostnaðarmat vegna ákvörðunar LN	Mál nr. SV060071

Lagt fram yfirlit yfir áætlaðan kostnað sveitarfélagsins vegna ákvörðunar LN um heimild til hækkunar launa. Sigrún Alda Sighvats deildarstjóri launadeildar kom á fundinn og skýrði samantektina og vék svo af fundi.



7.	Starfsmannastefna lokadrög 2006	Mál nr. SV060072

Lögð fram lokadrög að starfsmannastefnu fyrir Sveitarfélagið Skagafjörð.
Byggðarráð samþykkir að vísa starfsmannastefnunni til afgreiðslu sveitarstjórnar.

Fleira ekki fyrir tekið, fundargerð upplesin og samþykkt.

Fundi slitið kl. 11:45
Margeir Friðriksson , ritari fundargerðar