Byggðarráð Svf. Skagafjarðar

338. fundur 14. mars 2006

Byggðarráð Skagafjarðar
Fundur 338 - 14. mars 2006

Ár 2006, þriðjudaginn 14. mars kl. 10:00, kom Byggðarráð Skagafjarðar saman til fundar í Ráðhúsinu á Sauðárkróki.

Fundinn sátu:
Bjarni Jónsson, Gísli Gunnarsson, Gunnar Bragi Sveinsson og Gréta Sjöfn Guðmundsdóttir
Auk þess sat fundinn Ársæll Guðmundsson.

Fundarritari var Ársæll Guðmundsson til kl. 11:00 en hvarf þá af fundi.
Engilráð M. Sigurðard. tók við fundarritun

Lagt fram

1.	Erindi frá Sjóskip ehf	Mál nr. SV060147

Viggó Einarsson kemur til fundar vegna óska um stuðning sveitarfélagsins við rekstur Sjóskipa ehf á Hofsósi.
Byggðarráð tekur jákvætt í erindið og felur sveitarstjóra að afla gagna og leggja fram tillögur fyrir næsta fund byggðarráðs.



2.	Minnisblað til byggðarráðs	Mál nr. SV060148

Lagt fram minnisblað sviðsstjóra fjármálasviðs varðandi fasteignagjöld og reglur um afslætti.
Afgreiðslu frestað til næsta fundar.



3.	Bændur græða landið (BGL)	Mál nr. SV060150

Kynnt verkefnið Bændur græða landið.

Lagt fram til kynningar

4.	Tilnefning fulltrúa í samráðsnefnd m.sveitarfél.	Mál nr. SV060151

Tilkynning frá Stéttarfélaginu Öldunni um fulltrúa þeira í samráðsnefnd með sveitarfélögum.

Lagt fram

5.	Tillaga frá Félagi kúabænda í Skagafirði	Mál nr. SV060152

Lögð fram tillaga frá Félagi kúabænda í Skagafirði um mikilvægi háhraðanetstengingar í dreifbýli.

Sviðsstjóri Markaðs- og þróunarsviðs kemur til fundarins.
Sviðsstjóra falið að kanna málið í samræmi við þá vinnu, sem nú er í gangi varðandi háhraðatengingar í Skagafirði



6.	Vinabæjarsamskipti	Mál nr. SV060153

Áskell Heiðar Ásgeirsson, sviðsstjóri Markaðs- og þróunarsviðs, lagði fram til kynningar tillögu að dagskrá vinabæjarheimsóknar í júní n k.

Lagt fram til kynningar

7.	Orkufrekur iðnaður á Suðurlandi	Mál nr. SV060149

Dreifibréf SASS til sveitarfélaga um Suðurland tækifæranna.

Fleira ekki fyrir tekið, fundargerð upplesin og samþykkt.

Fundi slitið kl. 11:15
Ársæll Guðmundsson / Engilráð M. Sigurðard., ritarar fundargerðar