Byggðarráð Svf. Skagafjarðar

342. fundur 19. apríl 2006

Byggðarráð Skagafjarðar
Fundur 342 - 19. apríl 2006
Ár 2006, miðvikudaginn 19. apríl kl. 10:00, kom Byggðarráð Skagafjarðar saman til fundar í Ráðhúsinu á Sauðárkróki.

Fundinn sátu:
Ársæll Guðmundsson, Gísli Gunnarsson og Gunnar Bragi Sveinsson
Auk þess sat fundinn Margeir Friðriksson

Fundarritari var Margeir Friðriksson

Lagt fram

1.	Ársreikningur 2005	Mál nr. SV060219

Sveitarstjórnarmenn, sviðstjórar og forstöðumenn rekstrareininga sveitarfélagsins mættu á fund byggðarráðs í Safnahúsinu kl. 10:05, ásamt endurskoðanda sveitarfélagsins, Kristjáni Jónassyni frá KPMG sem skýrði ársreikning sveitarfélagsins og stofnana fyrir árið 2005.
Byggðarráð samþykkir að vísa ársreikningnum til fyrri umræðu í sveitarstjórn.

Fundi síðan fram haldið á skrifstofu sveitarstjóra í Ráðhúsinu kl. 11:25.



2.	Bar-inn ehf.	Mál nr. SV060217

Fulltrúar veitingahússins Bar-inn ehf, Guðmundur Guðmundsson og Hanna Þrúður Þórðardóttir, komu til fundar til viðræðu um málefni fyrirtækisins. Viku þau svo af fundi.



3.	Skagafjarðarveitur ehf og gagnaveita	Mál nr. SV060218

Stjórn Skagafjarðarveitna ehf. ásamt Áskeli Heiðari Ásgeirssyni sviðsstjóra markaðs- og þróunarsviðs, kom til fundar vegna undirbúnings stofnunar félags um gagnaveitu í Skagafirði. Viku þau svo af fundi.
Byggðarráð samþykkir að fjalla frekar um málið á næsta fundi.



4.	Starf forstöðumanns Söguseturs ísl. hestsins	Mál nr. SV060215

Sigríður Sigurðardóttir safnstjóri Byggðasafns Skagfirðinga og stjórnarmaður í Sögusetri íslenska hestsins kom til fundar til viðræðu um málefni setursins og fjárþörf þess á árinu 2006.
Byggðarráð samþykkir að styrkja Sögusetrið um kr. 1.500.000 og fjárveitingin tekin af málaflokki 05. Fjárveitingunni mætt með lántöku.



5.	Lífeyrissjóður Norðurlands - aðalfundur	Mál nr. SV060204

Fundarboð vegna aðalfundar Lífeyrissjóðs Norðurlands þann 11. maí nk. á Akureyri.
Byggðarráð samþykkir að Margeir Friðriksson fjármálastjóri sæki fundinn fyrir hönd sveitarfélagsins.



6.	Vegamót, Varmahlíð - ósk um endurbætur	Mál nr. SV060205

Áskorun dagsett 22. mars 2006, til sveitarstjórnar frá eigendum fasteigna á iðnaðarsvæðinu við Varmahlíð, um endurbætur á aðkeyrslu að lóðum og fasteignum, auk þess sem gerðar eru kröfur um úrbætur til að losna við vatnsaga á svæðinu.
Byggðarráð samþykkir að fela tæknideild sveitarfélagsins að skoða þetta erindi.

Erindi til afgreiðslu

7.	Kleifartún - tilboð	Mál nr. SV060206

Opnuð voru tilboð þann 5. apríl sl. í frágang götunnar Kleifartún á Sauðárkróki. Annað frá Firði ehf að upphæð kr. 14.199.150, hitt frá Norðurtaki ehf að upphæð kr. 12.621.600. Kostnaðaráætlun hljóðaði upp á kr. 13.409.500.
Byggðarráð samþykkir að taka tilboði Norðurtaks ehf.



8.	Veiðifélag Laxár, Skef - aðalfundarboð 2006	Mál nr. SV060207

Lagt fram boð um aðalfund Veiðifélags Laxár í Skefilsstaðahreppi þann 7. maí 2006.
Byggðarráð samþykkir að fela formanni landbúnaðarnefndar að sækja fundinn.



9.	Vaka - Boðun v.fjárnáms	Mál nr. SV060214

Erindi frá Sýslumanninum á Sauðárkróki. Boðun vegna fjárnáms í tengslum við Vöku ehf.
Þar sem krafan er byggð á röngum forsendum og endurskoðandi hefur útbúið leiðréttingargögn aðhefst byggðarráð ekkert frekar í málinu.



10.	Umsögn um veitingaleyfi - Kaffi Krókur	Mál nr. SV060212

Erindi dagsett 7. apríl 2006, frá Sýslumanninum á Sauðárkróki. Beiðni um umsögn um umsókn Jóns Daníels Jónssonar f.h. JASK ehf. um endurnýjun á leyfi til að reka veitingahús að Aðalgötu 16, Kaffi Krók. Sauðárkróki.
Byggðarráð gerir ekki athugasemd við umsóknina.



11.	Umf. Tindastóll 3. flokkur - keppnisferð til útlanda	Mál nr. SV060216

Erindi vísað frá félags- og tómstundanefnd, 4. apríl 2006 varðandi ósk Umf. Tindastóls um styrk vegna keppnisferðar 3. fl. drengja í knattspyrnu á Norway Cup í Osló sumarið 2006.
Byggðarráð sér sér ekki fært að verða við erindinu.

Lagt fram

12.	Minnisblað v. fiskhjallasvæðis	Mál nr. SV060221

Lagt fram minnisblað dagsett 19. apríl 2006, frá sviðsstjóra umhverfis- og tæknisviðs varðandi aðstöðu fyrir fiskhjalla FISK Seafood hf á hafnarsvæðinu á Sauðárkróki.
Byggðarráð tekur jákvætt í erindið og vísar erindinu til afgreiðslu samgöngunefndar þar sem erindið snýst um framkvæmd á hafnarsvæðinu.



13.	Uppbygging reiðhalla	Mál nr. SV060220

Erindi dagsett 19. apríl 2006, frá Árna Gunnarssyni fh. hestamannafélaganna Stíganda, Svaða og Léttfeta vegna umsóknar til Landbúnaðarráðuneytisins um styrk til uppbyggingar reiðhallarinnar Svaðastaða.
Byggðarráð samþykkir að sveitarfélagið eigi aðild að umsókn hestamannafélaganna í Skagafirði.

Lagt fram til kynningar

14.	Þorsteinsstaðir, Lýt - tilk. um sölu	Mál nr. SV060208

Tilkynning um sölu á jörðinni Þorsteinsstöðum landnr. 146255.



15.	Árhóll, - tilk. um sölu	Mál nr. SV060210

Tilkynning um sölu á jörðinni Árhóli, landnr. 146690.



16.	Fjall, - tilk. um sölu	Mál nr. SV060211

Tilkynning um sölu á jörðinni Fjalli, landnr. 146025.



17.	Fjallakráin, Viðv. - tilk. um sölu	Mál nr. SV060209

Tilkynning um sölu á Fjallakránni í Viðvíkursveit og 5,5 ha spildu með landnúmer 187663.