Byggðarráð Svf. Skagafjarðar

398. fundur 14. ágúst 2007

Byggðarráð Skagafjarðar
Fundur 398 - 14. ágúst 2007

Ár 2007, þriðjudaginn 14. ágúst kl. 09:00, kom Byggðarráð Skagafjarðar saman til fundar í Ráðhúsinu á Sauðárkróki.

Fundinn sátu:
Páll Dagbjartsson, Gunnar Bragi Sveinsson og Gréta Sjöfn Guðmundsdóttir og Bjarni Jónsson áheyrnarfulltrúi.

Fundarritari var Margeir Friðriksson

Formaður setti fund og bauð fundarmenn velkomna.

Erindi til afgreiðslu

1.	Fundargerðir nefnda	Mál nr. SV070401

Fundargerð skipulags- og bygginganefndar frá 9. ágúst 2007. Dagskrárliðir eru 25.
Byggðarráð samþykkir fundargerðina samhljóða.



2.	Fornleifavernd ríkisins - húsnæðismál	Mál nr. SV070395

Lagt fram bréf frá Fornleifavernd ríkisins, dagsett 25. júlí 2007 varðandi húsnæði minjavarðar Norðurlands vestra og deildarstjóra skráningarmála á Sauðárkróki. Óskar stofnunin eftir því að ganga til samninga við sveitarfélagið um áframhaldandi samvinnu vegna húsnæðismála stofnunarinnar á Sauðárkróki.
Byggðarráð samþykkir að fela sveitarstjóra og fjármálastjóra að ganga til samninga við Fornleifavernd ríkisins.



3.	Bréf frá íbúum við Laugatún v.frágangs götu	Mál nr. SV070396

Lagður fram undirskriftalisti frá íbúum við Laugatún 18-26 og 30-32 þar sem óskað er eftir að sveitarfélagið komi að frágangi lóða húsanna, svo og að gengi verði endanlega frá norðurhluta götunnar sem fyrst.
Byggðarráð samþykkir að vísa erindinu til afgreiðslu umhverfis- og tæknisviðs sveitarfélagsins.



4.	Hinsegin dagar - styrkbeiðni	Mál nr. SV070397

Lagt fram bréf frá samstarfsnefnd Hinsegin daga í Reykjavík, dagsett 1. ágúst 2007, þar sem óskað er eftir fjárframlagi til styrktar hátíðarhöldunum.
Byggðarráð sér sér ekki fært að verða við þessu erindi.



5.	Hestheimar - umsókn um lóð	Mál nr. SV070398

Lagður fram tölvupóstur frá Gísla Sveinssyni og Ástu Beggu Ólafsdóttur, Hestheimum, dagsettur 2. ágúst 2007, þar sem óskað er eftir að kaupa eina skipulagða lóð í Steinsstaðahverfi ásamt 12-15 ha. landspildu sem liggur með Dalsplássvegi og að mörkum Stapa.
Byggðarráð samþykkir að vísa umsókn um skipulagða lóð í Steinsstaðahverfi til skipulags- og bygginganefndar.
Sveitarfélagið hefur ekki uppi áform um að selja jörðina að svo komnu máli. Byggðarráð samþykkir að framtíðarnotkun jarðarinnar Steinsstaða verði tekin til skoðunar.

Önnur mál

6.	Framtíðaruppbygging Hólaskóla - Háskólans á Hólum	Mál nr. SV070402

Á fundinn komu Jón E. Friðriksson framkv.stj. FISK Seafood á Sauðárkróki, Skúli Skúlason rektor Hólaskóla - Háskólans á Hólum, Gísli Svan Einarsson framkv.stj. Versins og Tryggvi Sveinbjörnsson ráðgjafi til að kynna framtíðaruppbyggingu Hólaskóla og Versins.

Lagt fram til kynningar

7.	Tilk. um ráðningu menningarfulltrúa Nlv	Mál nr. SV070399

Lögð fram til kynningar fréttatilkynning frá SSNV um ráðningu menningarfulltrúa Norðurlands vestra með starfsaðstöðu á Skagaströnd. Ingibergur Guðmundsson var ráðinn í starfið frá og með 1. ágúst 2007.



8.	Hætta vegna ofanflóða - könnun	Mál nr. SV070394

Lagt fram til kynningar bréf frá Veðurstofu Íslands, dagsett 19. júlí 2007 varðandi hættu vegna ofanflóða, ásamt eintaki af greinargerðinni #GLKönnun á hættu vegna ofanflóða í þéttbýli á Íslandi#GL. Greinargerðin er einnig aðgengileg á vef Veðurstofunnar, http://andvari.vedur.is/utgafa/greinargerdir/2006/06020.pdf
Í greinargerðinni kemur m.a. fram að innan núveradi þéttbýlis á Hólum í Hjaltadal er ofanflóðahætta talin innan ásættanlegra marka. Takmarkast það mat við hættumetið svæði sem er dregið á kort í viðauka. Hins vegar kemur fram að hluti byggðar á Sauðárkróki þarfnist frekari skoðunar. Því mælir Veðurstofan með því að unnið verði formlegt hættumat fyrir Sauðárkrók. Vinna við slíkt hættumat er að fullu greidd af ofanflóðasjóði.
Byggðarráð samþykkir að vísa erindinu til skipulags- og byggingarnefndar og óskar eftir að hún hlutist til með að unnið verði hættumat fyrir Sauðárkrók og skipuð verði hættumatsnefnd fyrir sveitarfélagið.



9.	070801 - Fundarg. Samstarfsn. lögreglu og sveitarfélags	Mál nr. SV070400

Lögð fram til kynningar fundargerð samstarfsnefndar lögreglu og sveitarfélaga í Skagafirði, frá 1. ágúst 2007.



10.	Upplýsingar um rekstur janúar - júní 2007	Mál nr. SV070403

Lagðar fram til kynningar upplýsingar um rekstur sveitarfélagsins fyrstu sex mánuði ársins.

Fleira ekki fyrir tekið, fundargerð upplesin og samþykkt.

Fundi slitið kl. 11:55
Margeir Friðriksson, ritari fundargerðar