Byggðarráð Svf. Skagafjarðar

Lagður fram til kynningar tölvupóstur frá Samtökum sveitarfélaga á Norðurlandi vestra, þar sem tilkynnt er um að árlegur fundur sveitarstjórnarmanna og þingmanna NV kjördæmis verður haldinn á Kaffi Krók, Sauðárkróki, miðvikudaginn 26. október 2011, kl. 13:00.

Lagður fram tölvupóstur frá nefndasviði Alþings, þar sem fram kemur að fjárlaganefnd býður fulltrúum sveitarfélaga til viðtals um fjármál sveitarfélaga í tengslum við fjárlagafrumvarp fyrir árið 2012.

Byggðarráð samþykkir að fela sveitarstjóra að vinna drög að greinargerð til að leggja fyrir fund byggðarráðs 3. nóvember n.k.

Lagt fram erindi frá sýslumanninum á Sauðárkróki, þar sem óskað er umsagnar um umsókn Jóns Daníels Jónssonar um rekstrarleyfi fyrir Grettistak veitingar ehf, kt. 451001-2210, fyrir veitingahús og veisluþjónustu í Heimavist FNV, Sauðárhlíð, 550 Sauðárkróki. Veitingastaður - flokkur II.

Byggðarráð gerir ekki athugasemd við umsóknina.

Lagt fram erindi frá sýslumanninum á Sauðárkróki, þar sem óskað er umsagnar um umsókn Jóns T. Snæbjörnssonar um endurnýjun á rekstrarleyfi fyrir gistingu og veitingasölu að Lónkoti, 566 Hofósi. Gististaður - flokkur II og veitingastaður - flokkur III.

Byggðarráð gerir ekki athugasemd við umsóknina.

Lagt fram kauptilboð frá Steini Ástvaldssyni í fasteignina Ægisstíg 7 (213-2508).

Byggðarráð samþykkir að fela sveitarstjóra að gera tilboðsgjafa gagntilboð.

Lagt fram kauptilboð frá Jónasi Loga Sigurbjörnssyni og Hjördísi Elfu Sigurðardóttur í fasteignina Ægisstíg 7 (213-2508).

Byggðarráð samþykkir að fela sveitarstjóra að gera tilboðsgjöfum gagntilboð.

Lögð fram til kynningar svohljóðandi bókun stjórnar SSNV frá stjórnarfundi 4. október 2011:

"Stjórn SSNV lýsir yfir andstöðu við áframhaldandi stórfelldan niðurskurð á fjárframlögum til heilbrigðisstofnana á Norðurlandi vestra sem kynnt er í frumvarpi til fjárlaga árið 2012. Boðaður niðurskurður mun vafalítið valda fækkun starfa á svæðinu, þá sérstaklega kvennastarfa, sem gengur þvert geng hugmyndum ríkisstjórnar Íslands um kynjaða hagstjórn. Niðurskurðurinn rýrir einnig búsetuskilyrði stórlega og veltir auknum kostnaði yfir á íbúa sem sækja þurfa heilbrigðisþjónustu um langan veg. Loks átelur stjórnin samráðsleysi og þau vinnubrögð sem viðhöfð eru þegar boðuð er grundvallarstefnubreyting á veitingu heilbrigðisþjónustu í landinu. Þetta er gert án þess að fyrir liggi opinber stefna um veitingu þjónustunnar sem og án þess að fyrir liggi greining á samfélagslegum áhrifum niðurskurðarins sem og áhrifa á önnur kerfi s.s. félagsþjónustu sveitarfélagana. Þessi vinnubrögð ganga þvert gegn loforðum um aukið samráð ríkisins við heimamenn sem unnið að undir merkjum Ísland 20/20."

Lagðar fram til kynningar upplýsingar úr rekstri sveitarfélagsins og fyrirtækja þess fyrir tímabilið janúar-ágúst 2011, með viðmiðun við endurskoðaða fjárhagsáætlun 2011 fyrir sama tímabil.

Lagðar fram til kynningar fundargerðir stjórnar SSNV frá 25. ágúst, 8. september og 4. október 2011.