Byggðarráð Svf. Skagafjarðar

Komið hefur í ljós að myglusveppur og raki hafa myndast undir þaki leikskólans Barnaborgar á Hofsósi. Óværan er í þeim mæli að ekki er talið forsvaranlegt að starfrækja leikskólann þar á meðan málið er skoðað nánar og vandinn leystur með öruggum hætti.
Byggðarráð og fræðslunefnd samþykkja að engin starfsemi verði í húsnæðinu þar til vandinn hefur verið leystur. Foreldrum verði boðið að nýta sér leikskólapláss á Hólum. Jafnframt verði leitað að hentugu bráðabirgðahúsnæði fyrir leikskólann á Hofsósi.