Byggðarráð Svf. Skagafjarðar

Lagt fram bréf dagsett 24. janúar 2018 frá Samtökum sveitarfélaga á Norðurlandi vestra varðandi örnefnaskráningu. Óskað er eftir upplýsingum um stöðu örnefnaskráningar í aðildarsveitarfélögunum og annað því tengt.
Örnefnaskráning í Sveitarfélaginu Skagafirði hefur staðið yfir í mörg ár og mikið til af gögnum á Héraðsskjalasafni Skagfirðinga og hjá Byggðasögu Skagfirðinga. Byggðarráð telur ekki að örnefnaskráning sé verkefni sem eigi að vera á höndum SSNV, heldur hvers sveitarfélags fyrir sig.

Lagt fram kauptilboð frá Gestagangi ehf., kt. 410206-0990, í fasteignina Birkimel 8b (214-0787), Varmahlíð.
Byggðarráð samþykkir að hafna tilboðinu.
Gréta Sjöfn Guðmundsdóttir vék af fundinum undir afgreiðslu þessa máls.

Lagt fram kauptilboð frá Maríu Einarsdóttur, kt. 030286-6189, í fasteignina Birkimel 8b (214-0787), Varmahlíð.
Byggðarráð samþykkir að hafna tilboðinu.
Gréta Sjöfn Guðmundsdóttir vék af fundinum undir afgreiðslu þessa máls.

Lagt fram kauptilboð frá Óskari Má Atlasyni, kt. 190981-5099 og Hafdísi Arnardóttur, kt. 081281-7189, í fasteignina Birkimel 8b (214-0787), Varmahlíð.
Byggðarráð samþykkir að hafna tilboðinu.
Gréta Sjöfn Guðmundsdóttir vék af fundinum undir afgreiðslu þessa máls.

Arnheiður Jóhannsdóttir framkvæmdastjóri Markaðsstofu Norðurlands kom til viðræðu ásamt stjórnarmönnum Markaðsstofunnar, Sigríði Káradóttur og Tómasi Árdal, um uppbyggingu millilandaflugs á Norðurlandi.

Lagt fram til kynningar bréf dagsett 22. janúar 2018 frá Sambandi íslenskra sveitarfélaga varðandi umsögn um drög að frumvarpi til laga um lögheimili og aðsetur.
Byggðarráð tekur undir umsögn Sambands íslenkra sveitarfélaga nema því sem snýr að lögheimilisskráningu barna sem eiga foreldra sem hafa lögheimili í sitthvoru sveitarfélaginu.

Lagt fram til kynningar lokauppgjör vegna Róta bs. pr. 31.12. 2017.