Byggðarráð Svf. Skagafjarðar

Lagður fram til kynningar ársreikningur sveitarfélagsins og stofnana fyrir árið 2008. Kristján Jónasson, endurskoðandi hjá KPMG kynnti og fór yfir helstu niðurstöður. Vék hann síðan af fundinum. Byggðarráð samþykkir að vísa ársreikningnum til fyrri umræðu í sveitarstjórn.

Lagt fram bréf frá Villa Nova ehf. þar sem sótt er um styrk til greiðslu fasteignagjalda 2009.
Á grundvelli reglna sveitarélagsins um styrki vegna viðhalds og endurgerðar friðaðra húsa samþykkir byggðarráð að styrkja Villa Nova ehf um 70% af álögðum fasteignaskatti 2009.

Lagt fram erindi sem vísað var til byggðarráðs frá 140. fundi félags- og tómstundanefndar varðandi styrkbeiðni Hestamannafélagsins Léttfeta. Málið áður á dagskrá 445. fundar byggðarráðs og 131. fundar félags- og tómstundanefndar.
Byggðarráð samþykkir að stykja Hestamannafélagið Léttfeta um kr. 300.000. Fjármunir teknir af fjárhagslið 21890.

Lagt fram til kynningar bréf frá stýrihóp um verlferðarvakt sem skipaður var af félags- og tryggingamálaráðherra í samræmi við samþykkt ríkisstjórnarinnar frá 10. febrúar 2009. Í bréfinu er vakin athygli á vinnumarkaðsaðgerðum á vegum Vinnumálastofnunar.
Byggðarráð vísar erindinu til kynningar í atvinnu- og ferðamálanefnd og félags- og tómstundanefnd.

Lögð fram til kynningar ársskýrsla Landsvirkjunar fyrir árið 2008.

Sjá trúnaðarbók.