Fara í efni

Félags- og tómstundanefnd Svf. Skagafjarðar

34. fundur 02. mars 2004

Félags- og tómstundanefnd Skagafjarðar
Fundur 34 –  02.03.2004

 
 
            Ár 2004, þriðjudag 2. mars kl. 16:00, var haldinn fundur í Félags- og tómstundanefnd í Ráðhúsi Skagafjarðar.
            Mættir voru:  Ásdís Guðmundsdóttir, Harpa Kristinsdóttir og Þórdís Friðbjörnsdóttir, en af hálfu starfsmanna Gunnar Sandholt, Elsa Jónsdóttir, Rúnar Vífilsson og María Björk Ingvadóttir.
           
dagskrá:
1.      Lagðar fram umsóknir um styrki til íþróttamála
2.      Lagðar fram umsóknir um styrki til æskulýðs- og tómstundamála
3.      Viðbótarlán vegna húsnæðismála
4.      Trúnaðarmál
5.      Lagt fram bréf Ráðgjafarstofu um fjármál heimilanna
6.      Lagt fram bréf Félagsmálaráðuneytisins varðandi reglugerð um dagvistun barna á einkaheimilum
7.      Önnur mál
 
afgreiðslur:
  1. Rúnar Vífilsson, fræðslu- og íþróttafulltrúi, lagði fram til kynningar yfirlit yfir umsóknir sem borist hafa.
Félags- og tómstundanefnd felur fræðslu- og íþróttafulltrúa, að gefa þeim umsækjendum tækifæri sem ekki hafa skilað inn tilskildum gögnum að leggja þau fram í góðan tíma fyrir næsta fund, en þá verður málið tekið fyrir til afgreiðslu.
Rúnar vék af fundi.
 
  1. María Björk Ingvadóttir kom á fundinn og lagði fram til kynningar yfirlit yfir umsóknir sem borist hafa.
Félags- og tómstundanefnd felur æskulýðs- og tómstundafulltrúa, að gefa þeim umsækjendum sem ekki hafa skilað inn tilskildum gögnum að leggja þau fram í góðan tíma fyrir næsta fund, en þá verður málið tekið fyrir til afgreiðslu.
María Björk vék af fundi.
 
  1. Elsa Jónsdóttir, sviðsstjóri, kynnti 3 umsóknir um viðbótarlán vegna húsnæðismála. Nefndin samþykkti umsóknirnar, sjá innritunarbók. Elsa vék af fundi.
 
  1. Samþykktar 4 umsóknir um fjárhagsaðstoð í 2 málum.
 
  1. Ráðgjafarþjónusta um fjármál heimilanna ásamt Akureyrarbæ hefur skipulagt viðtalstíma ráðgjafa stofunnar á Akureyri. Fjölskylduþjónusta Skagfirðinga hefur verið í samvinnu við þessa aðila og vísað nokkrum einstaklingum og fjölskyldum til ráðgjafar á tilraunatímabili sem staðið hefur s.l. ár. Hefur það þótt gefast vel  og bætt aðgengi að þessari ráðgjafarþjónustu fyrir Skagfirðinga.
Félags- og tómstundanefnd samþykkir að ganga til formlegs samstarfs um þjónustuna og að veita kr. 50.000 til verkefnisins af gjaldalið 02-89.
 
  1. Lögð fram til umsagnar drög að reglugerð félagsmálaráðuneytisins um dagvistun barna á einkaheimilum. Ákveðið að fara fram á frest til næsta fundar til að gefa umsögn.
 
  1. Önnur mál:
§   Erindi frá formanni unglingalandsmótsnefndar varðandi tilnefningu í nefndina.
Ákveðið að tilnefna formann, Ásdísi Guðmundsdóttur, fulltrúa sveitarfélagsins í unglingalandsmótsnefnd.
 
Fleira ekki gert. Fundi slitið.