Félags- og tómstundanefnd Svf. Skagafjarðar

39. fundur 18. maí 2004

Félags- og tómstundanefnd Skagafjarðar
Fundur 39 – 18.05.2004

Ár 2004, þriðjudag 18. maí kl. 16.00, var haldinn fundur í Félags- og tómstundanefnd í Ráðhúsi Skagafjarðar.
Mætt voru: Ásdís Guðmundsdóttir, Harpa Kristinsdóttir og Þórdís Friðbjörnsdóttir.
Af hálfu starfsmanna: Hrafnhildur Guðjónsdóttir, María Björk Ingvadóttir, Rúnar Vífilsson og Gunnar Sandholt, sem ritaði fundargerð.

dagskrá:

       Húsnæðismál
1.      Umsóknir um viðbótarlán
2.      Fjármagn til viðbótarlána

Félagsmál
3.      Trúnaðarmál

Íþróttamál
4.      Tilnefningar í vallarráð
5.      Tilnefningar áheyrnarfulltrúa
6.      Lögð fram til kynningar svarbréf íþróttahreyfingarinnar við bréfum íþróttafulltrúa, sbr. ákvarðanir á síðasta fundi nefndarinnar

Æskulýðs- og Tómstundamál
7.      Starfshópur til að fjalla um “Hús frítímans”
8.      Vinnuskóli Skagafjarðar
9.      Styrkir til æskulýðsmála
10. Styrkir til félagsstarfs aldraðra

afgreiðslur:

Samþykkt ein umsókn um viðbótarlán, sjá innritunarbók.

Samþykkt að sækja um 18 millj. króna viðbótarheimild til úthlutunar viðbótarlána, vísað til byggðarráðs.

Samþykktar 3 beiðnir í 3 málum. Auk þess greint frá félagsfærninámskeiði fyrir börn, sem Fjölskylduþjónustan hefur staðið fyrir undanfarnar vikur.

Félags- og tómstundanefnd hefur borist bréf frá UMF Tindastóli þar sem Skúli Jónsson og Ásbjörn Karlsson eru tilnefndir í vallaráð og frá UMSS þar sem Haraldur Þór Jóhannsson, formaður, er tilnefndur. Auk þeirra skipa ráðið Rúnar Vífilsson, fræðslu- og íþróttafulltrúi og Viggó Jónsson, vallarstjóri. Íþróttafulltrúa falið að kalla ráðið saman hið fyrsta.

Áheyrnarfulltrúar íþrótthreyfingarinnar á fundum félags- og tómstundanefndar hafa verið tilnefndir Páll Ragnarsson, frá UMF Tindastóli, og Haraldur Þ. Jóhannsson frá UMSS.

Kynnt bréf þar sem fram kemur að íþróttahreyfingin hefur tilnefnt aðila til viðræðna varðandi framtíðarrekstur íþróttamannvirkjanna á Sauðárkróki. Lagt fram bréf UMSS, dags. 17.5.2004 þar sem fram kemur að bréf nefndarinnar varðandi styrkjamál hefur verið sent aðildarfélögunum.

Starfshóp um “hús frítímans” skipa af hálfu nefndarinnar Ásdís Guðmundsdóttir og Þórdís Friðbjörnsdóttir; Guðmundur Márusson af hálfu Félags eldri borgara í Skagafirði, Ingileif Oddsdóttir af hálfu forvarnarhóps, Árdís Antonsdóttir frá Rauðakrossdeildinni, Bragi Kristbjörnsson frá Nemendafélagi FNV og frá félagsmiðstöðinni Friði, Aðalbjörg Hallmundsdóttir. Auk þeirra starfar María Björk Ingvadóttur æskulýðs- og tómstundafulltrúi með hópnum og kallar hann saman.

Greint frá undirbúningi Vinnuskóla Skagafjarðar.
Félags- og tómstundanefnd samþykkir að laun verði samkvæmt eftirfarandi töflu. Í töflunni kemur einnig fram áætlaður hámarkstímafjöldi hvers unglings miðað við aldurshópa og tekjumöguleikar.

	14 ára		15 ára		16 ára
Tímar allt að	180	klst.	240	klst.	300	klst.
Taxti	274	kr	309	kr	408	kr
Tekjumöguleikar	49.320	kr	74.160	kr	122.400	kr
Með orlofi	54.336	kr	81.702	kr	134.848	kr

Samþykktir eftirfarandi styrkir vegna æskulýðsmála

Skagfirðingasveit v. Trölla	160.000
Skátafélagið Eilífsbúar	320.000

10. Samþykkt eftirfarandi skipting styrkja til félagsstarfs aldraðra:

Félag eldri borgara í Skagafirði		250.000
Félagsstarf aldraðra Löngumýri		80.000
Félag eldri borgara Hofsósi		80.000
	Samtals:	Kr. 410.000

Upplesið og staðfest rétt bókað.