Félags- og tómstundanefnd Svf. Skagafjarðar

Varaformaður Bjarki Tryggvason setti fund í fjarveru formanns. Arnrún Arnórsdóttir hefur beðist lausnar frá nefndarstöfum. Bjarni Jónsson tekur sæti hennar í nefndinni. Bjarki gerði tillögu um að Bjarni Jónsson verði formaður og var það samþykkt samhljóða.

Sviðsstjóri fjölskyldusviðs gerir tillögu að því að laun í vinnuskóla Sveitarfélagsins Skagafjarðar verði óbreytt frá síðasta ári. Tímakaup verður sem hér segir 7. bekkur kr. 361, 8. bekkur kr. 413, 9. bekkur kr. 491 og 10. bekkur kr. 620. Miðað við þessar tölur og þátttöku í vinnuskólanum verður fjárhagsliðurinn samkvæmt fjárhagsáætlun fyrir árið 2013.

Samþykkt samhljóða

Nefndin ræddi erindið en í ljósi þess að þarna er verið að óska eftir að Sveitarfélagið Skagafjörður kaupi eða leigi húsnæði, er erindinu vísað til byggðarráðs.

Sviðsstjóri fjölskyldusviðs kynnti starfssemi vinnuskólans og þátttöku í verkefnum sveitarfélagsins; VIT og SumarTÍM

Fyrir liggur samningur um útleigu á Sólgarðasundlaug frá 1. júní til 14. ágúst 2013. Nefndin samþykkir samninginn.
Nefndin samþykkir einnig að hefja stefnumótunavinnu um sundlaugina í Sólgörðum og óskar eftir samstarfi við Atvinnu- og ferðamálanefnd og Fræðslunefnd. Mikilvægt er að hafa íbúa svæðisins með í þessari vinnu.

Lagðar fram til kynningar tvær fundargerðir þjónustuhóps SSNV

Lögð fram og rædd minnisblöð vegna breyttra forsendna fyrir framlögum Jöfnunarsjóðs til Byggðasamlags málefna fatlaðra á Norðurlandi vestra. Byggðarráð og stjórn Byggðasamlagsins munu á næstu dögum fjalla nánar um stöðu málsins og viðbrögð.

Teknar fyrir fjórar umsóknir um fjárhagsaðstoð. Sjá trúnaðarbók