Landbúnaðarnefnd Svf. Skagafjarðar

Landbúnaðarnefnd Skagafjarðar
Fundur 49 – 11.01.2000

---

    Ár 2000, þriðjudaginn 11. jan. kl. 10⁰⁰ kom landbúnaðarnefnd saman til fundar að Suðurgötu 3, Sauðárkróki.
    Mættir voru: Bjarni Egilsson, Þórarinn Leifsson, Smári Borgarsson, Örn Þórarinsson, Símon Traustason og Sigurður Haraldsson starfsmaður.
DAGSKRÁ:

1. Fundarsetning.
2. Fjárhagsáætlun fjallskiladeilda árið 2000.
3. Forðagæsla og búfjáreftirlit.
4. Bréf.
5. Fjallskilamál.
6. Önnur mál.

AFGREIÐSLUR:

1. Bjarni setti fund og kynnti dagskrá.
   
2. Lögð fram fjárhagsáætlun fjallskiladeilda fyrir árið 2000. Allnokkur umræða fór fram og nokkrar breytingar gerðar m.a. allar nýfjárfestingar strikaðar út. Varðandi ósk frá fjallskiladeild Deildardals um nýbyggingu á skilarétt að upphæð kr. 2.000.000 mun landbúnaðarnefnd ræða við fjallskilastjórn og leita eftir upplýsingum og tillögum um úrbætur.
   
3. Forðagæsla og búfjáreftirlit - sjá trúnaðarbók.
   
4. Lagt fram bréf dags. 20.12.1999, undirritað af Snorra B. Sigurðssyni sveitarstjóra, er varðar eyðingu refa og minka, og aukinn kostað við eyðingu. Landbúnaðarnefnd vill skoða málið og afgreiða erindið á næsta fundi.
   
5. Fjallskilamál. Bjarni bauð velkomna til fundar fjallskilanefnd framhluta Seyluhrepps og Lýtingsstaðahrepps vestan Jökulsár, þá Sigfús Pétursson, Indriða Stefánsson og Egil Örlygsson. Umræða fór fram um fjallskilamálin á svæðinu, rætt m.a. um tilhögun smölunar og fjallskilagjöld.
   
6. Önnur mál. Samþykkt að Bjarni Egilsson taki sæti í viðræðunefnd um endurskoðun á Blöndusamningi við Landsvirkjun. Varamaður Bjarna kjörinn Smári Borgarsson.
   

Fleira ekki, fundi slitið.

Bjarni Egilsson  Smári Borgarsson Örn Þórarinsson Símon E. Traustason Þórarinn Leifsson

Sigurður Haraldsson