Mættir voru: Bjarni Egilsson, Þórarinn Leifsson, Símon Traustason, Smári Borgarsson, Örn Þórarinsson og Sigurður Haraldsson starfsmaður.   DAGSKRÁ: 1.      Fundarsetning. 2.      Þriggja ára áætlun Sveitarfélagsins Skagafjörður 2001-2003. 3.      Bréf - sjá trúnaðarbók -. 4.      Önnur mál.   AFGREIÐSLUR:   1.      Bjarni setti fund og kynnti dagskrá.   2.      Bjarni kynnti bréf frá sveitarstjórn, dags. 21. júlí, þar sem óskað er umsagnar landbúnaðarnefndar um þriggja ára áætlun sveitarfélagsins. Í nefndu bréfi komu fram tvö atriði sem að landbúnaðarnefnd snýr. 1. liður bréfs: Lagt er til að hætt verði framlagi úr sveitarsjóði vegna landnýtingar­verkefnis, sem er í ár kr. 1.500.000. #GLLandbúnaðarnefnd telur nauðsynlegt að ljúka því verki, sem þegar er í gangi, á fullnægjandi hátt og leggur til að veitt verði til verkefnisins: 2001 1milljón, 2002 500.000,-. 2002 verði staða verkefnisins metin með tilliti til þess að kortleggja allar jarðir í sveitarfélaginu. Landnýtingarkortin eru mikilvæg gögn, sem nýtast nú þegar á ýmsum sviðum, t.d. verkefnið bændur græða landið, skógræktarverkefnum, beitar­þolsmati, landamerki, afstöðumyndir o.fl.#GL 2. liður bréfs:  Þá er og ráð fyrir því gert að grenjavinnsla og eyðing minka lækki um 500.000,- á ári. #GLLandbúnaðarnefnd leggur áherslu á mikilvægi eyðingar refa og minka til að tryggja að ekki fjölgi dýrum á svæðinu. Fjölgun á ref getur bitnað harkalega á sauðfjárbændum og valdið þeim verulegum búsifjum auk þes sem hann veldur verulegum skaða í nytjavörpum. Minkur veldur verulegum skaða á fuglalífi þar sem hann nær að fjölga sér og einnig í ám og vötnum. Landbúnaðarnefnd fellst á 500 þús. kr. niðurskurð á málaflokknum og ætlar í framhaldi að leita leiða að hagræða í veiðunum og freista þess að bæta þannig nýtingu fjármagnsins.#GL Landbúnaðarnefnd telur miður hvað hún fékk skamman tíma til að fjalla um þessi mál.   3.      Bréf - Sjá trúnaðarbók.   4.      Önnur mál, engin.   Fleira ekki gert, fundi slitið.   Bjarni Egilsson                                    Sigurður Haraldsson Þórarinn Leifsson Örn Þórarinsson Símon E. Traustason Smári Borgarsson ../ems