Landbúnaðarnefnd Svf. Skagafjarðar

Lagt fram bréf frá fjallskilanefnd Hofsóss og Unadals þar sem nefndin segir af sér. Nefndarmenn, Bjarni Þórisson, Guðrún Þorvaldsdóttir og Jónas Einarsson komu á fundinn til viðræðu undir þessum dagskrárlið.
Landbúnaðarnefnd tekur afsögn nefndarinnar til greina og þakkar þeim vel unnin störf.
Landbúnaðarnefnd samþykkir að fela starfsmanni sínum, Arnóri Gunnarssyni, umsjón með afréttarmálum út kjörtímabilið.

Lagt fram bréf frá Birgi Frey Þorleifssyni, þar sem hann óskar eftir svari um hvort Unadalsafrétt sé opin fyrir skipulögðum hestaferðum ferðaþjónustuaðila.
Landbúnaðarnefnd telur sig ekki hafa heimild til að stöðva umferð um afrétt, svo fremi að hún valdi ekki óþarfa ónæði og raski sbr. fjallskilareglugerð Skagafjarðar.

Lagður fram lóðarleigusamningur um land við Mælifellsrétt frá 3. júní 1998, milli Indriða Sigurjónssonar og fyrrum Lýtingsstaðahrepps.
Landbúnaðarnefnd leggur til að sveitarstjóra verði falið að fara í viðræður við landeiganda um breytingu á samningnum vegna fyrirhugaðara framkvæmda við réttina.

Samþykkt að fresta afgreiðslu málsins.

Lagt fram til kynningar erindi frá fjallskilastjóra Sauðárkróks varðandi viðhald Sauðárkróksréttar.