Samningar við skólabílstjóra

Fræðslustjóri greindi frá samningaviðræðum sem standa yfir við skólabílstjóra.

Lagt fram á 233. fundi sveitarstjórnar 23.09.08.

Fjármálastjóri kynnti gang samningaviðræðna við skólabílstjóra.

Lagt fram gagntilboð skólabílstjóra um leiðréttingu á upphæðum fyrir skólaakstur fyrir skólaárið 2007/2008 auk hækkunar á töxtum og breytt verðviðmið fyrir skólaárið 2008/2009. Áður á dagskrá 447. fundar ráðsins.
Byggðarráð samþykkir að taka tilboði skólabílstjóra, en á þeim forsendum að einungis verði samið til loka skólaárs 2008/2009 og tíminn nýttur til að skoða fyrirkomulag skólaakstursins í heild.

Lagt fram á 234. fundi sveitarstjórnar 07.10.08.

Afgreiðsla 448. fundar byggðarráðs 02.10.08 staðfest á 234. fundi sveitarstj. 07.10.08 með átta atkvæðum.
Elinborg Hilmarsdóttir óskar bókað að hún taki ekki þátt í afgreiðslu þessa liðar.

Lagt fram bréf frá fulltrúum skólabílstjóra þar sem bílstjórarnir óska eftir að byggðarráð endurskoði ákvörðun sína frá 448. fundi ráðsins. Bjóðast bílstjórarnir til að lækka kröfu sína úr 2,5% ofan á nýjan reiknigrunn í 2,0% gegn því að samningar verði gerðir til fimm ára.
Byggðarráð samþykkir að ganga að tilboði skólabílstjóra, dags. 14.10. 2008, um 2% hækkun á nýjan reiknigrunn. Samningurinn byggi á útboði því sem gert var árið 2000 og er samningstíminn til 5 ára frá upphafi skólaársins 2008 að telja. Samningurinn yrði óuppsegjanlegur fyrstu 2 ár samningstímabilsins en að loknum þeim tíma er hann uppsegjanlegur af beggja hálfu og skal þá uppsögnin fara fram í desember með gildistöku við lok líðandi skólaárs árið á eftir.

Afgreiðsla 450. fundar byggðarráðs staðfest á 235. fundi sveitarstjórnar með átta atkvæðum. Elinborg Hilmarsdóttir óskar bókað að hún taki ekki þátt í afgreiðslu þessa liðar.