Fræðslunefnd Svf. Skagafjarðar

Fræðslustjóri greindi frá samningaviðræðum sem standa yfir við skólabílstjóra.

Fræðslustjóri greindi frá ósk um skólaakstur fyrir barn í Árskóla sem býr aðra hverja viku hjá föður og aðra hverja viku hjá móður. Barnið er með lögheimili hjá móður sem býr á Sauðárkróki en faðirinn býr í dreifbýli. Um er að ræða 2-3 km aukaakstur daglega aðra hverja viku. Samþykkt samhljóða.

Fræðslustjóri greindi frá samningaviðræðum við JASK ehf.um endurskoðun samnings um skólamáltíðir í Árskóla

Fræðslustjóri lagði fram til kynningar upplýsingar um fjölda grunnskólanemenda í upphafi skólaárs. Lítilsháttar fækkun er á fjölda nemenda, um 3 í Varmahlíðarskóla, 2 í Árskóla og 1 í Grunnskólanum a.V. Í ár eru nemendur því 623 í stað 629 á síðasta ári.

Lagðir fram til kynningar biðlistar í leikskólum í Skagafirði 1. september 2008.

Fræðslustjóri gerði grein fyrir helstu atriðum sem komu fram á Menntaþingi menntamálaráðuneytisins sem hún sótti sl. föstudag.

Málstofa Sambands íslenskra sveitarfélaga um skólamál.
Málstofan verður haldin 6. október n.k. Lagt fram til kynningar.