Sjálfbært samfélag í Fljótum

Erindi frá Trausta Sveinssyni, Bjarnargili, Fljótum, dags. 14. júní 2009. Þar fer hann þess á leit við Sveitarstjórn Skagafjarðar að hafa forgöngu um að hrinda í framkvæmd verkefni um sjálfbært samfélag í Fljótum. Slíkt verkefni geti fallið undir Staðardagskrá 21 í fámennum sveitarfélögum.
Byggðarráð samþykkir að vísa erindinu til Umhverfis- og samgöngunefndar til afgreiðslu.

Umhverfis- og samgöngunefnd telur að ekki sé hægt að verða við erindi Trausta Sveinssonar. Mjög er óvíst um kostnað og fjármögnun verkefnisins. Þá telur nefndin ekki rétt að taka eitt íbúasvæði Sveitarfélagsins sérstaklega fyrir.

Afgreiðsla 481. fundar byggðarráðs staðfest á 249. fundi sveitarstjórnar með níu atkvæðum.

Afgreiðsla 44. fundar umhverfis- og samgöngunefndar staðfest á 249. fundi sveitarstjórnar með níu atkvæðum.