Ársreikningur 2010

Fyrri umræða um ársreikning Sveitarfélagins Skagafjarðar og stofnana þess fyrir árið 2010.

Kristján Jónasson endurskoðandi hjá KPMG á Sauðárkróki, löggiltur endurskoðandi sveitarfélagins fór yfir og kynnti ársreikninginn á sérstökum fundi með sveitarstjórn, sem haldinn var á undan sveitarstjórnarfundinum í dag.

Ásta Pálmadóttir sveitarstjóri lagði fram ársreikning 2010 fyrir Sveitarfélagið Skagafjörð og stofnanir þess.

Niðurstöðutölur rekstrarreiknings ársins 2010 eru þessar; Rekstrartekjur fyrir A- og B- hluta sveitarsjóðs 3.161,5 mkr, þar af námu rekstrartekjur A-hluta 2.755,9 mkr. Rekstrargjöld A-hluta sveitarsjóðs án fjármunatekna og fjármagnsgjalda voru 2.745,1 mkr., en 3.004,8 mkr. í A og B-hluta. Nettó fjármagnsliðir til gjalda hjá A-hluta sveitarsjóðs eru 120,7 mkr. og samantekið fyrir A og B hluta 159,2 mkr. Rekstrarniðurstaða er neikvæð í A-hluta að upphæð 112,2 mkr. og einnig í samanteknum A og B hluta að upphæð 15,7 mkr. Eigið fé sveitarfélagsins í árslok 2010 nam 1.283,0 mkr. samkvæmt efnahagsreikningi en þar af nam eigið fé A-hluta 1.353,8 mkr. Langtímaskuldir A-hluta eru 1.804,6 mkr. og A og B-hluta í heild 3.254,3 mkr. Lífeyrisskuldbindingar eru í heild 705,2 mkr. og skammtímaskuldir 624,8 mkr.

Enginn kvaddi sér hljóðs.

Forseti bar upp tillögu um að vísa ársreikningnum til siðari umræðu i sveitarstjórn og var hún samþykkt samhljóða.

Kristján Jónasson endurskoðandi sveitarfélagsins kom á fundinn og fór yfir og skýrði ársreikning sveitarfélagsins og stofnana þess fyrir árið 2010.

Ásta Björg Pálmadóttir sveitarstjóri kynnti ársreikning 2010 fyrir Sveitarfélagið Skagafjörð og stofnanir þess.

Niðurstöðutölur rekstrarreiknings ársins 2010 eru þessar; Rekstrartekjur fyrir A- og B- hluta sveitarsjóðs 3.161,5 mkr, þar af námu rekstrartekjur A-hluta 2.755,9 mkr. Rekstrargjöld A-hluta sveitarsjóðs án fjármunatekna og fjármagnsgjalda voru 2.745,1 mkr., en 3.004,8 mkr. í A og B-hluta. Nettó fjármagnsliðir til gjalda hjá A-hluta sveitarsjóðs eru 120,7 mkr. og samantekið fyrir A og B hluta 159,2 mkr. Rekstrarniðurstaða er neikvæð í A-hluta að upphæð 112,2 mkr. og einnig í samanteknum A og B hluta að upphæð 15,7 mkr. Eigið fé sveitarfélagsins í árslok 2010 nam 1.283,0 mkr. samkvæmt efnahagsreikningi en þar af nam eigið fé A-hluta 1.353,8 mkr. Langtímaskuldir A-hluta eru 1.804,6 mkr. og A og B-hluta í heild 3.254,3 mkr. Lífeyrisskuldbindingar eru í heild 705,2 mkr. og skammtímaskuldir 624,8 mkr.

Stefán Vagn Stefánsson kvaddi sér hljóðs og lagði fram eftirfarandi bókun:

?Meirihluti framsóknarmanna og vinstri grænna í sveitarstjórn Sveitarfélagins Skagafjarðar vill bóka eftirfarandi varðandi framkominn ársreikning sveitarfélagsins árið 2010.

Betri árangur hefur náðst í rekstri sveitarfélagsins á árinu 2010 en áætlanir gerðu ráð fyrir, þrátt fyrir erfiðar ytri aðstæður í samfélaginu. Áætlun ársins gerði ráð fyrir halla á rekstri samstæðunnar upp á 72 milljónir í mínus, en niðurstaðan varð 15.6 milljónir í mínus. Á sama tíma hafa til að mynda framlög úr jöfnunarsjóði dregist saman um 32 milljónir miðað vð útgefnar áætlanir sjóðsins. Halda verður áfram á sömu braut á viðsnúningi á rekstri sveitarfélagsins með aðhaldi og markvissum rekstri.?

Þorsteinn Tómas Broddason tók til máls og lagði fram eftirfarandi bókun.

?Ársreikningur 2010 sýnir glöggt að tillaga um endurskipulagningu reksturs sveitarfélagsins og stofnana þess sem gerð var af fráfarandi sveitarstjórnar í júní 2010, var sett fram af festu og ábyrgð. Það er miður að meirihluti Framsóknarflokks og Vinstri grænna hundsaði tillöguna fram á árið og hafnað samvinnu allra flokka til þeirra mikilvægu vinnu. Ekkert bólar enn á afstöðu meirihlutans til niðurstöðu hagræðingarnefndar þeirrar sem stofnað var til og skilaði af sér í mars. Ársreikningur Sveitarfélagsins sýnir rekstrarhalla A ? hluta, 19 m.kr. meiri en endurskoðuð fjárhagsáætlun gerði ráð fyrir. Því miður náðist ekki betri rekstrarniðurstaða þrátt fyrir tekjuaukningu um 46.m.kr. Langtímaskuldir A og B-hluta í heild eru að upphæð 3.254,3 m.kr. Þessar tölur sýna að rétt sé að gæta aðhalds við ákvörðun um auknar fjárfestingar og lántökur því eins og staðan er í dag þá mun það taka sveitarfélagið 33 ár að greiða niður núverandi lán. Samfylkingin brýnir því meirihlutann að sýna aukna ábyrg og fara strax í heildarendurskipulagningu á rekstri sveitarfélagsins og fresta frekari fjárfestingum.?

Jón Magnússon tók til máls, þá Sigurjón Þórðarson sem lagð fram eftirfarandi bókun.

?Nauðsynlegt er að meirihlutinn hugsi sinn gang við stjórnun fjármála sveitarfélagsins Skagafjarðar. Ljóst er að núverandi lausatök ganga ekki til lengdar.?

Ásta Björg Pálmadóttir sveitarstjóri kvaddi sér hljóðs, þá Þorsteinn Tómas Broddason.

Jón Magnússon tók til máls og lagði fram eftirfarandi: Jón Magnússon og Sigríður Svavarsdóttir óska bókað:

?Ársreikningur fyrir Sveitarfélagið Skagafjörð árið 2010 er vísbending um óheillavænlega þróun í fjármálum sveitarfélagsins, sem ber að taka mjög alvarlega. Að reka sveitarsjóð með halla ár eftir ár, leiðir að lokum til skuldsetningar sem erfitt verður að ráða við á komandi árum. Sjálfstæðismenn lýsa þungum áhyggjum af aðgerðarleysi núverandi meirihluta sveitarstjórnar við að taka á vaxandi rekstrakosnaði sveitarsjóðs.

Við blasir að í óefni stefnir á yfirstandandi ári og að halli sveitarsjóðs í árslok verði mun meiri en áætlanir gera ráð fyrir. Almennar verðlagshækkanir og nýgerðir kjarasamningar eru staðreyndir sem ættu að vekja meirihluta sveitarstjórnar til aðgerða gegn fyrirsjáanlegum kostnaðarhækkunum hjá sveitarsjóði.

Í ljósi alvarleika stöðunnar í fjármálum Sveitarfélagsins Skagafjarðar, eru fulltrúar Sjálfstæðisflokksins í sveitarstjórn enn sem áður, reiðubúnir að leggja sitt að mörkum til aðgerða í fjármálum sveitarfélagsins og til að tryggja fjárhag sveitarsjóðs til hagsbóta fyrir íbúa Skagafjarðar.?

Sigurjón Þórðarson kvaddi sér hljóðs.

Forseti bar ársreikinga Sveitarfélagins Skagafjarðar og stofnanna þess fyrir árið 2010 undir atkvæði og voru þeir samþykktir samhljóða.