Kvistahlíð 1 - Umsókn um byggingarleyfi

Eigendur húsa sem standa á lóðunum númer 1, 3, 5 og 7 við Kvistahlíð sækja um leyfi til að breyta útliti húsanna, byggja lóðarveggi ásamt því að byggja 10,0 m² garðhús og koma fyrir setlaugum á lóðunum. Einnig óska þeir eftir að lokið verði við gerð malarstígs austan lóðanna. Framlagðir uppdrættir gerðir á Stoð ehf. verkfræðistofu af Magnúsi Ingvarssyni gera grein fyrir umbeðnum framkvæmdum. Uppdrættirnir eru í verki 7464, nr. A-100 til og með A-104 og eru þeir dagsettir 17. nóvember 2012. Erindið samþykkt, Vegna setlauga á lóðum vill skipulags og byggingarnefnd sérstaklega bóka eftirfarandi.Setlaugar á lóðum skulu búnar læsanlegu loki til að hylja þær, meðan þær eru ekki í notkun, eða öðrum búnaði til varnar slysum. Umhverfis setlaugarnar þarf að vera handrið þannig útbúið að ekki sé hætta á að börn geti dottið í setlaugina. Hitastýrð blöndunartæki eða búnaður þarf að vera svo að vatnshiti fari ekki yfir 43°C við töppunarstað. Varðandi umsókn um malarstíg er erindinu vísað til gerðar fjárhagsáætlunar ársins 2014.

Afgreiðsla 240. fundar skipulags- og byggingarnefndar staðfest á 298. fundi sveitarstjórnar með níu atkvæðum.