Nýtt nafn á Félagsheimili Rípurhrepps

Lagt fram erindi frá rekstraraðilum Félagsheimilis Rípurhrepps hins forna, varðandi ósk um nafnbreytingu á félagsheimilinu. Fylgja með tillögur um nöfn, sem safnað var á síðasta þorrablóti Nesbúa.
Nefndin leggur til að ekki verði farið í nafnbreytingu á félagsheimilinu, nema í nánu samráði við meðeiganda og íbúa í Hegranesi. Sigfúsi Inga Sigfússyni falið að kanna hug meðeiganda til málsins.

Afgreiðsla 66. fundar menningar- og kynningarnefndar staðfest á 301. fundi sveitarstjórnar með níu atkvæðum.

Menningar- og kynningarnefnd hefur móttekið bréf frá formanni kvenfélags Rípurhrepps þar sem fram kemur að félagið, sem meðeigandi að félagsheimili Rípurhrepps, samþykkir að breyta megi heiti hússins. Nefndin er sama sinnis og felur rekstraraðilum að kanna með formlegum hætti hug íbúa Rípurhrepps hins forna til nýrrar nafngiftar hússins og beri það undir atvinnu-, menningar- og kynningarnefnd til samþykktar áður en nýtt nafn er gert opinbert.

Afgreiðsla 67. fundar menningar- og kynningarnefndar staðfest á 307. fundi sveitarstjórnar með níu atkvæðum.