Kaup á rafmagnstímatökutækjum o.fl.

Lögð fram styrkbeiðni frá Frjálsíþróttasambandi Íslands, þar sem óskað er eftir styrk til kaupa á rafmagnstímatökutækjum o.fl. Heildarkostnaður við búnaðinn er áætlaður um 12 milljónir króna, tilbúinn til notkunar. Óskað er eftir að Sveitarfélagið Skagafjörður styrki verkefnið um 200.000 kr.
Byggðarráð samþykkir að óska eftir umsögn Ungmennasambands Skagafjarðar varðandi búnaðinn og erindið.

Afgreiðsla 627. fundar byggðaráðs staðfest á 303. fundi sveitarstjórnar með níu atkvæðum.

Á 627. fundi byggðarráðs var lögð fram styrkbeiðni frá Frjálsíþróttasambandi Íslands, þar sem óskað var eftir styrk til kaupa á rafmagnstímatökutækjum o.fl. Byggðarráðið óskaði eftir umsögn Ungmennasambands Skagafjarðar sem nú hefur borist og er það niðurstaða sambandsins að ekki sé þörf á því að Sveitarfélagið Skagafjörður taki þátt í kaupum á nýjum rafmagnstímatökutækjum.
Byggðarráð hafnar því að taka þátt í kaupum á nýjum rafmagnstímatökutækjum sem Frjálsíþróttasamband Íslands hyggst kaupa, þar sem slíkur búnaður er fyrir hendi á Sauðárkróksvelli.

Lögð fram drög frá Frjálsíþróttasambandi Íslands að samþykktum um kaup, afnot og samstarf við rekstur á tímatökutækjum með stuðningi sveitarfélaga. Málið áður á dagskrá 627. fundi byggðarráðs þann 18. júlí 2013.
Byggðarráð samþykkir framlagðar samþykktir og leggur til 200.000 kr. til kaupanna af fjárhagslið 21890.