Byggðarráð Svf. Skagafjarðar

Fundargerð 89. fundar fræðslunefndar lögð fram til afgreiðslu á 631. fundi byggðarráðs eins og einstök erindi bera með sér. kynnti fundargerð. Enginn kvaddi sér hljóðs.

Fundargerð 197. fundar félags- og tómstundanefndar lögð fram til afgreiðslu á 631. fundi byggðarráðs eins og einstök erindi bera með sér.

Fundargerð 21. fundar samstarfsnefndar með Akrahreppi lögð fram til afgreiðslu á 631. fundi byggðarráðs eins og einstök erindi bera með sér.

Vinabæjamót í Espoo, 28.-31. maí 2013. Lagt fram til kynningar minnisblað frá "Mayor"s Meeting of Nordic Twin Towns, 30 May 2013".

Lagt fram til kynningar bréf frá Jöfnunarsjóði sveitarfélaga um framlög til sveitarfélaganna til jöfnunar á tekjutapi vegna fasteignaskatts á árinu 2013. Fram kemur að framlag til Sveitarfélagsins Skagafjarðar er 133.620.993 kr.

Lögð fram til kynningar fundargerð aðalfundar Farskólans - miðstöðvar símenntunar á Norðurlandi vestra, frá 17. maí 2013.

Lögð fram til kynnningar fundargerð 7. fundar stjórnar Samtaka sjávarútvegssveitarfélaga.

Lagður fram til kynningar tölvupóstur frá Sambandi íslenskra sveitarfélaga um samþykktir sveitarfélaga, byggingarmál og fleira sem tengist innleiðingu nýrra sveitarstjórnarlaga.
Byggðarráð samþykkir að vísa erindinu til nefndar um endurskoðun samþykkta sveitarfélagsins.

Lagðar fram athugasemdir innanríkisráðuneytisins við nýjar samþykktir Sveitarfélagsins Skagafjarðar.
Byggðarráð samþykkir að vísa erindinu til nefndar um endurskoðun samþykkta sveitarfélagsins.

Byggðarráð Sveitarfélagsins Skagafjarðar samþykkir hér með að taka lán hjá Lánasjóði sveitarfélaga að fjárhæð 200.000.000 kr. til 15 ára, í samræmi við samþykkta skilmála lánveitingarinnar sem liggja fyrir fundinum. Til tryggingar láninu standa tekjur sveitarfélagsins, sbr. heimild í 2. mgr. 68. gr. sveitarstjórnarlaga nr. 138/2011. Er lánið tekið til að fjármagna framkvæmdir við smábátahöfn sveitarfélagsins auk þess að fjármagna gatnagerð, lyftu í Safnahúsi, breytingar á leikskóla og almennar framkvæmdir eignasjóðs við viðhald opinna svæða og stíga, sbr. 3. gr. laga um stofnun opinbers hlutafélags um Lánasjóð sveitarfélaga nr. 150/2006.
Jafnframt er Ástu Björg Pálmadóttur kt. 040764-2839, veitt fullt og ótakmarkað umboð til þess f.h. Sveitarfélagsins Skagafjarðar að undirrita lánssamning við Lánasjóð sveitarfélaga sbr. framangreint, sem og til þess að móttaka, undirrita og gefa út, og afhenda hvers kyns skjöl, fyrirmæli og tilkynningar, sem tengjast lántöku þessari.

Sigurjón Þórðarson fulltrúi Frjálslyndra og óháðra óskar bókað: "Óneitanlega skýtur það skökku við að sveitarstjórn Sveitarfélagsins Skagafjarðar undir forystu Framsóknarflokksins skuli leggja fram hér til samþykktar verðtryggðan lánasamning til 15 ára m.a. til þess að fjármagna skrúðgarðyrkjuframkvæmdir á Sauðárkróki, á sama tíma og Framsóknarflokkurinn í ríkisstjórn er í þann mund að afnema verðtrygginguna.
Vaxtaákvæði lánasamningsins er algerlega óásættanlegt en það kveður á um að lánveitandi geti hvenær sem er á lánstíma á þriggja mánaða fresti hækkað einhliða vexti lánsins. Það er óboðlegt að bjóða íbúum Skagafjarðar upp á slíkan samning."

Svohljóðandi bókun lögð fram: "Eftir að hafa kynnt sér þau kjör sem fjármálastofnanir bjóða upp á var það mat fjármálastjóra og sveitarstjóra að sá samningur sem hér um ræðir væri sá hagfeldasti fyrir sveitarfélagið. Í samningnum er uppgreiðsluákvæði sem hægt er að nýta ef kjör samningsins breytast verulega og betri kjör fást annarsstaðar.
Stefán Vagn Stefánsson
Gísli Árnason
Jón Magnússon"

Sigurjón Þórðarson leggur fram bókun: "Engir aðrir lánasamningar voru kynntir fyrir kjörnum fulltrúum sveitarfélagsins og ekki var leitað tilboða frá öðrum lánastofnunum. Sömuleiðis er fráleitt að sveitarstjórnin fyrir hönd íbúanna hafi ekki forgöngu um að breyta óásættanlegum ákvæðum í lánasamningi."

Lagt fram til kynningar bréf frá innanríkisráðuneytinu þar sem ráðuneytið er að kanna áhuga sveitarfélaga á að koma að þjónustu við hælisleitendur í samstarfið við ríkið, en vegna aukningar á fjölda hælisleitenda er þörf á að gera samninga við fleiri sveitarfélög en Reykjanesbæ.

Lagt fram bréf frá sýslumanninum á Sauðárkróki, þar sem óskað er umsagnar um umsókn Gærunnar ehf. um tækifærisleyfi fyrir Tónlistarhátíðina Gæruna 2013, sem verður í húsnæði Loðskinns ehf., Borgarmýri 5, 550 Sauðárkróki, dagana 16.-18. ágúst 2013.
Byggðarráð gerir ekki athugasemd við umsóknina.

Lagt fram bréf frá sýslumanninum á Sauðárkróki, þar sem óskað er umsagnar um umsókn Gestagarðs ehf. um endurnýjun rekstrarleyfis fyrir bændagistingu að Hofsstöðum, 551 Sauðárkróki. Gististaður - flokkur III, heimagisting.
Byggðarráð gerir ekki athugasemd við umsóknina.

Fundargerð 86. fundar umhverfis- og samgöngunefndar lögð fram til afgreiðslu á 631. fundi byggðarráðs eins og einstök erindi bera með sér.

Á 627. fundi byggðarráðs var lögð fram styrkbeiðni frá Frjálsíþróttasambandi Íslands, þar sem óskað var eftir styrk til kaupa á rafmagnstímatökutækjum o.fl. Byggðarráðið óskaði eftir umsögn Ungmennasambands Skagafjarðar sem nú hefur borist og er það niðurstaða sambandsins að ekki sé þörf á því að Sveitarfélagið Skagafjörður taki þátt í kaupum á nýjum rafmagnstímatökutækjum.
Byggðarráð hafnar því að taka þátt í kaupum á nýjum rafmagnstímatökutækjum sem Frjálsíþróttasamband Íslands hyggst kaupa, þar sem slíkur búnaður er fyrir hendi á Sauðárkróksvelli.

Fundargerð 91. fundar atvinnu- og ferðamálanefndar lögð fram til afgreiðslu á 631. fundi byggðarráðs eins og einstök erindi bera með sér.