Frístundastrætó Hofsós - Hólar sumarið 2014

Þátttaka barna á Hofsósi í Sumar-TÍM síðastliðin tvö sumur, 2012 og 2013, hefur ekki verið góð og til að mynda voru námskeiðin sem vera áttu síðasta sumar á Hofsósi felld niður vegna lítillar þátttöku. Því var ákveðið að þessu sinni, í samráði við Umf. Neista og Hjalta, að bjóða börnum frá Hofsósi að sækja leikjanámskeið á Hólum sem Umf. Hjalti hefur staðið fyrir síðustu sumur. Um er að ræða 7-9 börn á Hofsósi sem óskað hafa eftir að sækja námskeið í Sumar-TÍM.
Til að koma til móts við þessi börn samþykkir nefndin að boðið verði upp á akstur frá Hofsósi að Hólum þá daga sem námskeiðið stendur yfir, eða frá 2. júní ? 27. júní. Kostnaður vegna þessa aksturs, sem ekki var gert ráð fyrir í fjárhagsáætlun, hljóðar uppá um það bil 300 þús. krónur og er lagt til þetta verði tekið af lið 443-6370-80 frístundastrætó.

Afgreiðsla 208. fundar félags- og tómstundanefndar staðfest á 316. fundi sveitarstjórnar 11. júní 2014 með níu atkvæðum.