Tillaga - tímabundin niðurfelling gatnagerðargjalda

Byggðarráð samþykkir að beina því til sveitarstjórnar að framlengja frá og með 1. júlí 2014 samþykkt um tímabundna niðurfellingu gatnagerðargjalda af byggingum íbúðarhúsnæðis af hálfu einstaklinga og verktaka á lóðum við þegar tilbúnar götur á Sauðárkróki, Hofsósi og Varmahlíð. Verði það gert á grundvelli sérstakrar lækkunarheimildar sem hægt er að veita skv. 6. gr. laga nr. 153/2006. Ákvæðið tekur gildi eftir samþykkt þess í sveitarstjórn og varir til 31. desember 2015. Ákvæðið er ekki afturvirkt og miðað er við að framkvæmdir hefjist innan þessara tímamarka.

Forseti gerir tillögu um að vísa afgreiðslu málsins til liðar nr 9 "Tillaga - tímabundin niðurfelling gatnagerðargjalda"
Samþykkt samhljóða.

Þannig bókað á 683. fundi byggðarráðs 8. janúar 2015 og vísað til samþykktar í sveitarstjórn.

"Byggðarráð samþykkir að beina því til sveitarstjórnar að framlengja frá og með 1. júlí 2014 samþykkt um tímabundna niðurfellingu gatnagerðargjalda af byggingum íbúðarhúsnæðis af hálfu einstaklinga og verktaka á lóðum við þegar tilbúnar götur á Sauðárkróki, Hofsósi og Varmahlíð. Verði það gert á grundvelli sérstakrar lækkunarheimildar sem hægt er að veita skv. 6. gr. laga nr. 153/2006. Ákvæðið tekur gildi eftir samþykkt þess í sveitarstjórn og varir til 31. desember 2015. Ákvæðið er ekki afturvirkt og miðað er við að framkvæmdir hefjist innan þessara tímamarka."

Bjarni Jónsson kvaddi sér hljóðs.

Tillaga um tímabundna niðurfellingu gatnagerðargjalda borin upp til afgreiðslu og samþykkt með níu atkvæðum.