Nýtingaráætlun Menningarhússins Miðgarðs

Tekið fyrir erindi frá formanni Karlakórsins Heimis þar sem óskað er eftir undanþágu nefndarinnar á ákvæði í nýtingaráætlun fyrir Menningarhúsið Miðgarð um 16 ára aldurstakmark á dansleiki í húsinu, fyrir ráðgerðan dansleik þann 2. janúar næstkomandi. Jafnframt er óskað eftir að nefndin taki nýtingaráætlunina til endurskoðunar.

Atvinnu-, menningar- og kynningarnefnd getur ekki veitt undanþágu frá samþykktri nýtingaráætlun sem undirrituð er af öllum eigendum Miðgarðs og er hluti af samningi um rekstur hússins. Nefndin mun kanna hug rekstraraðila og annarra eigenda hússins um hvort ástæða sé til að endurskoða nýtingaráætlunina.

Afgreiðsla 28. fundar atvinnu- menningar- og kynningarnefndar staðfest á 335. fundi sveitarstjórnar 20. janúar 2016 með níu atkvæðum.