Gúmmíkurl á íþróttavöllum

Lagður fram tölvupóstur frá Sambandi íslenskra sveitarfélaga, dagsettur 14. mars 2016 varðandi þingsályktunartillögu um bann við notkun gúmmíkurls úr dekkjum á leik- og íþróttavöllum.

Ekki liggur fyrir hvaða gúmmíefni uppfylla það skilyrði að vera viðurkennd en ljóst má vera að slíkt er grundvallaforsenda fyrir því að hægt sé að fá niðurstöðu í málið til framtíðar litið að slík efni séu til staðar.

Byggðarráð mun fylgjast vel með framvindu þessa máls og telur eðlilegt að horft verði til niðurstöðu rannsókna Umhverfisstofnunar á því hvaða efni setja eigi í stað dekkjakurlsins en slík vinna er nú í gangi hjá stofnuninni. Er það von ráðsins að niðurstaða fáist í málið sem fyrst.

Byggðarráð Sveitarfélagsins Skagafjarðar samþykkir að skipt verði út gúmmíkurli úr dekkjum á íþróttavöllum sveitarfélagsins, þ.e.a.s. á Hofsósi, Hólum, Sauðárkróki og í Varmahlíð ef niðurstöður Umhverfisstofnunar leiða í ljós skaðsemi kurlsins.

Afgreiðsla 734. fundar byggðarráðs staðfest á 339. fundi sveitarstjórnar 13. apríl 2016 með níu atkvæðum.

Lagður fram tölvupóstur dagsettur 6. janúar 2017 frá Sambandi íslenskra sveitarfélaga ásamt áætlun umhverfis- og auðlindaráðherra um að skipta út dekkjakurli á leik- og íþróttavöllum fyrir hættuminni efni.

Í fjárhagsáætlun ársins 2017 er gert ráð fyrir að skipta út dekkjakurli á öllum fjórum gervigrasvöllum sveitarfélagsins.