Hegranesvegur - Endurbætur - Efnistaka, Umsókn um framkvæmdaleyfi

Vegagerðin sækir, samkvæmt meðfylgjandi gögnum, um framkvæmdaleyfi vegna endurbóta á 5,08 km kafla á Hegranesvegi og til efnistöku úr fjórum námum vegna verksins. Námurnar eru Hegranesnáma 2 (19504), Garðsnámu (18199) náma í landi Vatnsleysu (18156) og úr áreyrum Gljúfurár í landi Vatnsleysu. Jafnframt óskar Vegagerðin eftir að Sveitarfélagið Skagafjörður meti hvort starfsemi sú sem lýst er í meðfylgjandi erindi skuli fara í umhverfismat. Starfsemin fellur undir C- flokk í 1. viðauka í lögum um mat á umhverfisáhrifum nr. 106/2000. Skipulags- og byggingarfulltrúi hefur yfirfarið umsóknargögnin og skoðað námurnar og framkvæmdasvæðið. Það er mat skipulags- og byggingarfulltrúa að starfsemin sé ekki háð mati á umhverfisáhrifum. Skipulags- og byggingarnefnd er sammála niðurstöðu skipulags- og byggingarfulltrúa og leggur til við sveitarstjórn að veita umbeðið framkvæmdaleyfi.

Forseti gerir tillögu um að vísa afgreiðslu málsins til liðar nr. 9 "Hegranesvegur - Endurbætur - Efnistaka, Umsókn um framkvæmdaleyfi"
Samþykkt samhljóða.

Með bréfi dagsettu 4. maí 2016 sækir Vegagerðin um framkvæmdaleyfi vegna endurbóta á 5,08 km kafla á Hegranesvegi og til efnistöku úr fjórum námum vegna verksins. Námurnar eru Hegranesnáma 2 (19504), Garðsnáma (18199) náma í landi Vatnsleysu (18156) og vegna efnistöku úr áreyrum Gljúfurár í landi Vatnsleysu.
Skipulags- og byggingarnefnd fjallaði um umsóknina á fundi 27. maí sl. og lagði til að umbeðin leyfi yrðu veitt.

Framkvæmdaleyfið borið upp til afgreiðslu sveitarstjórnar og samþykkt með níu atkvæðum.
Jafnframt felur sveitarstjórn skipulags- og byggingarfulltrúa að gefa út framangreint leyfi.