Niðurgreiðsla dagvist barna á einkaheimilum 2017

Lögð fram tillaga um; að niðurgreiðslur vegna dagvistar barna í heimahúsum á árinu 2017 verði óbreytt frá því sem nú er eða í samræmi við eftirfarandi: Upphæð niðurgreiðslu miðast við þann vistunartíma sem foreldrar kaupa í daggæslu, að hámarki 8 tíma daglega. Upphæð niðurgreiðslunnar fyrir foreldra sem eru giftir eða í sambúð er kr. 244 fyrir hverja keypta klukkustund, að hámarki kr. 42.909 á mánuði og fyrir foreldra sem eru einstæðir eða báðir í (fullu) námi er kr. 307 fyrir hverja keypta klukkustund, að hámarki kr. 54.102 á mánuði. Þessar upphæðir hafa verið óbreyttar frá 2009 en hækkanir á gjaldskrám dagmæðra einhverjar. Niðurgreiðsla verður aldrei hærri en sem nemur mismun á heildargjaldi vistunar hjá dagforeldri og í leikskóla (gæsla, kostnaður og fæði).
Tillagan samþykkt og vísað til byggðarráðs.

Vísað til byggðarráðs frá 237. fundi félags- og tómstundanefndar tillögu um niðurgreiðslur vegna dagvistar barna í heimahúsum á árinu 2017.

Byggðarráð samþykkir tillöguna með tveimur atkvæðum og vísar henni til afgreiðslu sveitarstjórnar. Bjarni Jónsson óskar bókað að hann sitji hjá við afgreiðsluna.

Vísað frá 764. fundi byggðarráðs frá 17. nóvember 2016, "tillögu um niðurgreiðslur vegna dagvistar barna í heimahúsum á árinu 2017."



Bjarni Jónsson kvaddi sér hljóðs og leggur fram eftirfarandi bókuni: Með því að halda niðurgreiðslum á daggæslu barna í heimahúsum hjá dagmæðrum óbreyttum árið 2017, líkt og 2016, er verið að velta meiri kostnaði yfir á foreldra sem þurfa og nýta þjónustuna umfram almennar hækkanir og eða skerða kjör dagmæðra. Mörg yngstu barnanna sem í hlut eiga hafa ekki enn kost á leikskólaplássi. Undirritaður situr því hjá.



Tillaga un niðurgreiðslur vegna barna í heimahúsum á árinu 2017, borin upp til afgreiðslu sveitarstjórnar og samþykkt með átta atkvæðum.