Endurnýjuð umsókn um stofnframlag til leiguíbúða

Lagt fram til kynningar afrit af bréfi dagsettu 5. apríl 2017 frá Íbúðalánasjóði til Skagfirskra leiguíbúða hses. þar sem tilkynnt er um niðurstöðu úthlutunarnefndar stofnframlaga. Umsókn Skagfirskra leiguíbúða hses. vegna byggingar tveggja fjögurra íbúða fjölbýlishúsa er samþykkt og verður stofnframlag ríkisins rúmlega 49 milljónir króna.

Lagður fram samningur um stofnframlag á grundvelli laga um almennar íbúðir nr. 52/2016 til byggingar á 8 almennum íbúðum við Laugatún 21-27 á Sauðárkróki. Einnig lögð fram yfirlýsing um kvöð vegna framangreindra fasteigna.
Stjórn Skagfirskra leiguíbúða hses. samþykkir að fela Margeiri Friðrikssyni að undirrita framangreindan samning og yfirlýsingu.