Samgönguáætlun

Umhverfis- og samgöngunefnd Sveitarfélagsins Skagafjarðar felur sviðstjóra að óska eftir fundi með fulltrúum Vegagerðarinnar vegna ástands héraðsvega í Sveitarfélaginu og forgangsröðun verkefna í vega- og hafnarframkvæmdum.

Umhverfis- og samgöngunefnd mun funda með fulltrúum Vegagerðarinnar miðvikudaginn 8. mars nk. Farið var yfir helstu áherslur Sveitarfélagsins er varða viðhald vega og er vísað í bókun nefndarinnar á 95. fundi nefndarinnar þann 26. febrúar 2014. Áhersla verður lögð á uppbyggingu Reykjastrandavegar og viðhaldsþörf annara tengivega í Skagafirði.



Lögð voru fram til kynningar drög að erindi til siglingasviðs Vegagerðarinnar þar sem lagðar eru fram áherslur og forgangsröðun Skagafjarðarhafna er varða viðhalds- og nýframkvæmdaverkefni.

Fulltrúar Sveitarfélagsins munu funda með siglingasviði Vegagerðarinnar fimmtudaginn 9. mars nk.

Umhverfis- og samgöngunefnd hitti fulltrúa Vegagerðarinnar þar sem rætt var almennt um vegabætur í Skagafirði, þau verkefni sem framundan eru á svæðinu að hálfu Vegagerðarinnar og áherslur sveitarfélagsins í vegabótum í Skagafirði.

Umhverfis- og samgöngunefnd Sveitarfélagsins Skagafjarðar harmar sinnuleysi stjórnvalda í viðhaldi og uppbyggingu vegakerfisins og beinir því til ríkisstjórnar og þingmanna kjördæmisins að lagðir verði auknir fjármunir í málaflokkinn. Víða í Sveitarfélaginu Skagafirði má finna vegi sem beinlínis eru hættulegir yfirferðar vegna skorts á viðhaldi.

Nefndin leggur áherslu á að farið verði sem fyrst í uppbyggingu á Reykjastrandarvegi og Hegranesvegi.

Á síðustu árum hefur umferð um Reykjastrandaveg aukist töluvert og samkvæmt talningum Vegagerðarinnar má gera ráð fyrir að hátt í 50 þúsund ökutæki hafi ekið um veginn árið 2016.

Nefndinni hefur borist erindi frá íbúum Hegraness þar sem óskað er eftir endurbótum og viðhaldi á Hegranesvegi nr. 764. Undir erindið rita allir íbúar Hegraness.