Umhverfis- og samgöngunefnd Svf Skagafjarðar

Tekið var fyrir erindi frá Hafnasambandi Íslands. Í erindinu er verið að kanna áhuga aðildarhafna um þátttöku í gerð sjónvarpsþátta um hafnir til að kynna starfsemi þeirra.

Nefndin tekur jákvætt í erindið og felur sviðstjóra að svara Hafnasambandinu.

392. fundargerð Hafnarsambands Íslands frá 17. ferbrúar 2017, lögð fram til kynningar á 127. fundi umhverfis- og samgöngunefndar 30. mars 2017.

Fundagerðir Heilbrigðiseftirlits Norðurlands vestra frá 10. janúar og 23. febrúar 2017 lagðar fram til kynningar.

Umhverfis- og samgöngunefnd Sveitarfélagsins Skagafjarðar harmar sinnuleysi stjórnvalda í viðhaldi og uppbyggingu vegakerfisins og beinir því til ríkisstjórnar og þingmanna kjördæmisins að lagðir verði auknir fjármunir í málaflokkinn. Víða í Sveitarfélaginu Skagafirði má finna vegi sem beinlínis eru hættulegir yfirferðar vegna skorts á viðhaldi.

Nefndin leggur áherslu á að farið verði sem fyrst í uppbyggingu á Reykjastrandarvegi og Hegranesvegi.

Á síðustu árum hefur umferð um Reykjastrandaveg aukist töluvert og samkvæmt talningum Vegagerðarinnar má gera ráð fyrir að hátt í 50 þúsund ökutæki hafi ekið um veginn árið 2016.

Nefndinni hefur borist erindi frá íbúum Hegraness þar sem óskað er eftir endurbótum og viðhaldi á Hegranesvegi nr. 764. Undir erindið rita allir íbúar Hegraness.

Sveitarfélagið Skagafjörður hefur fengið úthlutað styrk til uppsetningu tveggja hraðhleðslustöðva í Varmahlíð og á Sauðárkróki á árinu 2017.

Lagt var fyrir fundinn yfirlit yfir mögulegar staðsetningar á hraðhleðslustöðvum.

Nefndin leggur til að hraðhleðslustöðvar verði staðsettar við sundlaugar á Sauðárkróki og í Varmahlíð.

Lögð voru fyrir fundinn drög að nýjum bílastæðum við leikskólann Ársali, yngra stig, við Víðigrund.

Þörf er á fleiri bílastæðum við leikskólann þar sem bílastæði fyllast iðulega um morgun og síðdegi þegar verið er keyra börn í og úr leikskóla. Alls er gert ráð fyrir að bæta við 12 bílastæðum við leikskóla sem verða staðsett norðan við núverandi bílastæði í beinu framhaldi af nýjum bílastæðum sem verið er að útbúa sunnan við Víðigrund 5, Oddfellowhúsið.

Umhverfis- og samgöngunefnd samþykkir fyrirliggjandi drög.

Ákveðið að sviðstjóri fari í Borgarbyggð til að kynna sér tilhögun sorphirðu í sveitarfélaginu.

Lögð voru fyrir fundinn drög að samningi við OK Gámaþjónustu vegna leigu á geymslusvæði á Gránumóum.

Nefndin samþykkir samningsdrögin og felur sviðstjóra að ganga frá samningum við OK Gámaþjónustu.