Atvinnu-, menningar- og kynningarnefnd - 54

Málsnúmer 1801003F

Sveitarstjórn Sveitarfélagins Skagafjarðar - 364. fundur - 21.02.2018

Fundargerð 54. fundar atvinnu- menningar- og kynningarnefndar lögð fram til afgreiðslu á 364. fundi sveitarstjórnar eins og einstök erindi bera með sér. Gunnsteinn Björnsson kynnti fundargerð. Bjarni Jónsson, Gunnsteinn Björnsson og Bjarni Jónsson tóku til máls.
Samþykkt með öllum greiddum atkvæðum.

Bjarni Jónsson óskar bókað: Undirritaður leggur áherslu á að framlag sveitarfélagsins til Söguseturs íslenska hestsins heima að Hólum, miðist við að framkvæmdastjóri sögusetursins verði búsettur í Skagafirði og sinni þaðan starfinu.
Bjarni Jónsson

.1 1712208 Framtíðarstarfsemi í Sólgarðaskóla

Atvinnu-, menningar- og kynningarnefnd - 54 Atvinnu-, menningar- og kynningarnefnd þakkar fyrir erindi frá aðstandendum Sólgarðaskóla, dags. 21. desember 2017, og býður forsvarsmönnum hópsins á næsta fund nefndarinnar til að ræða tilhögun starfshóps og næstu skref, m.a. í því ljósi að einn forsvarsmanna hópsins hefur reifað þá hugmynd að taka húsnæðið til leigu til lengri tíma, sbr. fundargerð fræðslunefndar dags. 8. febrúar 2018. Starfsmönnum nefndarinnar er falið að tilkynna forsvarsmönnum hópsins um dagsetningu næsta fundar. Bókun fundar Afgreiðsla 54. fundar atvinnu- menningar- og kynningarnefndar staðfest á 364. fundi sveitarstjórnar 21. febrúar 2018 með níu atkvæðum.
.2 1703293 Menningarhús og félagsheimili í Skagafirði - eignarhald

Atvinnu-, menningar- og kynningarnefnd - 54 Tekin fyrir drög að erindi til meðeigenda að félagsheimilum í Skagafirði þar sem ætlunin er að skrá og skýra eignarhald félagsheimilanna, þar sem eignarhald er óskýrt samkvæmt þinglýsingabókum. Atvinnu-, menningar- og kynningarnefnd samþykkir drögin fyrir sitt leyti og felur Pacta lögmönnum að ganga frá erindinu til meðeigenda félagsheimilanna.
Steinunn Rósa Guðmundsdóttir vék af fundi undir þessum dagskrárlið. Bókun fundar Afgreiðsla 54. fundar atvinnu- menningar- og kynningarnefndar staðfest á 364. fundi sveitarstjórnar 21. febrúar 2018 með níu atkvæðum.
.3 1802042 Atvinnulífssýning 5.-6. maí 2018

Atvinnu-, menningar- og kynningarnefnd - 54 Fjallað um fyrirhugaða atvinnulífssýningu í íþróttahúsinu á Sauðárkróki dagana 5.-6. maí nk. Atvinnu-, menningar- og kynningarnefnd felur starfsmönnum að vinna áfram að undirbúningi sýningarinnar og kynningu á henni. Bókun fundar Afgreiðsla 54. fundar atvinnu- menningar- og kynningarnefndar staðfest á 364. fundi sveitarstjórnar 21. febrúar 2018 með níu atkvæðum.
.4 1712185 Samstarfshópur Sveitarfélagsins Skagafjarðar og Félags ferðaþjónustunnar í Skagafirði

Atvinnu-, menningar- og kynningarnefnd - 54 Tekið fyrir erindi frá Félagi ferðaþjónustunnar í Skagafirði, frá 15. janúar 2018, þar sem tilkynnt er um fulltrúa félagsins í samstarfshóp með fulltrúum sveitarfélagsins, til eflingar ferðaþjónustu í Skagafirði. Hópinn skipa Gunnsteinn Björnsson, Hanna Þrúður Þórðardóttir, Jónheiður Sigurðardóttir, Stefanía Hjördís Leifsdóttir og Jóhanna Ey Harðardóttir. Bókun fundar Afgreiðsla 54. fundar atvinnu- menningar- og kynningarnefndar staðfest á 364. fundi sveitarstjórnar 21. febrúar 2018 með níu atkvæðum.
.5 1802062 Styrkbeiðni vegna starfsemi á árinu 2018

Atvinnu-, menningar- og kynningarnefnd - 54 Tekið fyrir erindi frá Sögusetri íslenska hestsins, dags. 7. febrúar 2018, þar sem óskað er eftir styrk að upphæð kr. 1.500.000,- til starfsemi þess á árinu 2018.
Atvinnu-, menningar- og kynningarnefnd samþykkir að styrkja Sögusetrið um kr. 1.500.000,- sem tekin verður af lið 05890. Bókun fundar Afgreiðsla 54. fundar atvinnu- menningar- og kynningarnefndar staðfest á 364. fundi sveitarstjórnar 21. febrúar 2018 með níu atkvæðum.

Bjarni Jónsson óskar bókað: Undirritaður leggur áherslu á að framlag sveitarfélagsins til Söguseturs íslenska hestsins heima að Hólum, miðist við að framkvæmdastjóri sögusetursins verði búsettur í Skagafirði og sinni þaðan starfinu.
Bjarni Jónsson
.6 1801028 Styrkbeiðni vegna jólaballs á Ketilási

Atvinnu-, menningar- og kynningarnefnd - 54 Tekið fyrir erindi frá forsvarsmönnum jólaballskemmtunar á Ketilási í Fljótum 2017, frá 3. janúar 2018, þar sem óskað er eftir styrk til að halda árlega jólaballskemmtun.
Atvinnu-, menningar- og kynningarnefnd samþykkir að veita styrk til skemmtunarinnar að upphæð kr. 45.000,- sem tekin skal af lið 05713 á árinu 2017. Bókun fundar Afgreiðsla 54. fundar atvinnu- menningar- og kynningarnefndar staðfest á 364. fundi sveitarstjórnar 21. febrúar 2018 með níu atkvæðum.
.7 1801024 Styrkbeiðni vegna jólatrésskemmtunar á Hofsósi

Atvinnu-, menningar- og kynningarnefnd - 54 Tekið fyrir erindi frá undirbúningsnefnd jólatrésskemmtunar á Hofsósi 2017, frá 2. janúar 2018, þar sem óskað er eftir styrk til að halda árlega jólatrésskemmtun.
Atvinnu-, menningar- og kynningarnefnd samþykkir að veita styrk til nefndarinnar að upphæð kr. 45.000,- sem tekin skal af lið 05713 á árinu 2017. Bókun fundar Afgreiðsla 54. fundar atvinnu- menningar- og kynningarnefndar staðfest á 364. fundi sveitarstjórnar 21. febrúar 2018 með níu atkvæðum.