Fara í efni

Byggðarráð Skagafjarðar - 876

Málsnúmer 1908005F

Vakta málsnúmer

Sveitarstjórn Sveitarfélagins Skagafjarðar - 388. fundur - 25.09.2019

Fundargerð 876. fundar byggðarráðs frá 21. ágúst 2019 lögð fram til afgreiðslu á 388. fundi sveitarstjórnar eins og einstök erindi bera með sér. Stefán Vagn Stefánsson kynnti fundargerð. Enginn kvaddi sér hljóðs.
  • .1 1906059 Málefni fatlaðs fólks á Norðurlandi vestra frá 1. janúar 2020
    Byggðarráð Skagafjarðar - 876 Sveitarfélögin á Norðurlandi vestra gerðu með sér samning til eins árs, með gildistöku 1. janúar 2016, þar sem Akrahreppur, Blönduósbær, Húnavatnshreppur, Skagabyggð, Sveitarfélagið Skagaströnd og Húnaþing vestra sömdu við Sveitarfélagið Skagafjörð um að vera leiðandi sveitarfélag í málefnum fatlaðs fólks á Norðurlandi vestra. Nýr samningur var gerður af sömu aðilum og gilti frá og með 1. janúar 2017. Samningstími er til 31. desember 2019 og er í samningnum kveðið á um að aðildarsveitarfélögin skulu ákveða sameiginlega fyrir 1. nóvember 2019 hvort samningurinn verði endurnýjaður. Þjónusturáð verkefnisins skal skila áliti til aðildarsveitarfélaga um samstarf og jafnframt gera tillögu að samningi sem gildi frá 1. janúar 2020.
    Lagður fram tölvupóstur dagsettur 13. ágúst 2019 með bókun 1008. fundar byggðarráðs Húnaþings vestra frá 12. ágúst 2019 þar sem m.a. kemur fram að "Byggðarráð samþykkir, eftir skoðun sl. mánuði, að endurnýja ekki núgildandi samning og felur sveitarstjóra að hefja vinnu við næstu skref við yfirtöku málaflokksins".
    Einnig er lagt fram afrit af fundargerð hreppsnefndar Akrahrepps frá 12. júní 2019 þar sem bókað er svo undir 2. dagskrárlið: "Sveitarfélagið Akrahreppur óskar eftir því að endurnýja samninginn".
    Byggðarráð Sveitarfélagsins Skagafjarðar telur allar forsendur til þess að Sveitarfélagið Skagafjörður annist þjónustu við fatlað fólk, hvort sem er í samstarfi við önnur sveitarfélög eða eitt og sér. Byggðarráð óskar eftir minnisblaði frá sviðsstjóra fjölskyldusviðs og félagsmálastjóra um faglega stöðu málaflokksins og enn frekari samþættingu við aðra þjónustu sviðsins.     Bókun fundar Afgreiðsla 876. fundar byggðarráðs staðfest á 388. fundi sveitarstjórnar 25. september 2019 með níu atkvæðum.
  • .2 1908058 Nytjar Drangeyjar á Skagafirði
    Byggðarráð Skagafjarðar - 876 Lagt fram bréf dagsett 14. ágúst 2019 frá Drangeyjarfélaginu, þar sem óskað er eftir því að félagið fái heimild til að nytja Drangey á komandi árum. Félagið mun kappkosta að viðhalda veiðiaðferðum, veiðistöðum og ganga um eyna í fullri sátt við náttúruna eins og gert hefur verið undanfarna áratugi.
    Byggðarráð samþykkir að heimila Drangeyjarfélaginu að nytja Drangey til þriggja ára að því tilskyldu að félagið sendi sveitarfélaginu fundargerðir aðalfunda og ársreikninga á tímabilinu, auk þess að almennt og eðlilegt aðgengi í eyjuna verði tryggt á samningstímanum.     Bókun fundar Afgreiðsla 876. fundar byggðarráðs staðfest á 388. fundi sveitarstjórnar 25. september 2019 með níu atkvæðum.
  • .3 1908088 Undirbúningur hitaveituframkvæmda í Hegranesi
    Byggðarráð Skagafjarðar - 876 Lögð fram tillaga um að byggðarráð feli veitunefnd að kostnaðargreina og vinna að hönnun hitaveitu í þeim hluta Hegraness sem ekki er þegar tengdur við hitaveitu. Mælst er til að þessari vinnu verði hraðað sem kostur er.
    Tillagan samþykkt samhljóða.     Bókun fundar Afgreiðsla 876. fundar byggðarráðs staðfest á 388. fundi sveitarstjórnar 25. september 2019 með níu atkvæðum.
  • .4 1908039 Enduro keppni á skíðasvæðinu í Tindastóli
    Byggðarráð Skagafjarðar - 876 Lagt fram bréf frá Vélhjólaklúbbi Skagafjarðar, dagsett 6. ágúst 2019, þar sem sótt er um leyfi sveitarfélagsins til að halda Íslandsmót í enduro þolakstri á skíðasvæðinu sem Skíðadeild Tindastóls hefur til umráða, þann 17. ágúst 2019. Með erindinu fylgdi staðfesting á leyfi skíðadeildarinnar fyrir mótshaldinu. Einnig lagt fram leyfisbréf sveitarstjóra dagsett 13. ágúst 2019, þar sem leyfið er veitt fyrir keppninni, svo fremi að önnur skilyrði fyrir mótinu séu uppfyllt.
    Byggðarráð staðfestir leyfisveitingu sveitarstjóra.     Bókun fundar Afgreiðsla 876. fundar byggðarráðs staðfest á 388. fundi sveitarstjórnar 25. september 2019 með níu atkvæðum.
  • .5 1908074 Tillaga til þingsályktunar um stefnumótandi áætlun í málefnum sveitarfélaga
    Byggðarráð Skagafjarðar - 876 Lagður fram tölvupóstur dagsettur 19. ágúst 2019 frá samgöngu- og sveitarstjórnarráðuneytinu, þar sem tilkynnt er um að ráðuneytið hafi birt til umsagnar í samráðsgátt stjórnvalda tillögu til þingsályktunar um stefnumótandi áætlun ríkisins í málefnum sveitarfélaga fyrir árin 2019-2033. Bókun fundar Afgreiðsla 876. fundar byggðarráðs staðfest á 388. fundi sveitarstjórnar 25. september 2019 með níu atkvæðum.
  • .6 1908075 Drög að flugstefnu fyrir Ísland
    Byggðarráð Skagafjarðar - 876 Lögð fram drög að flugstefnu fyrir Ísland (Grænbók)útgefin í júlí 2019. Samgöngu- og sveitarstjórnarráðherra skipaði verkefnisstjórn til að vinna að mótun flugstefnu fyrir Ísland í september 2018. Bókun fundar Afgreiðsla 876. fundar byggðarráðs staðfest á 388. fundi sveitarstjórnar 25. september 2019 með níu atkvæðum.
  • .7 1908063 Samningur um heilsueflandi samfélag
    Byggðarráð Skagafjarðar - 876 Lagður fram til kynningar samningur milli Sveitarfélagsins Skagafjarðar og Embættis landlæknis um Heilsueflandi samfélag. Samningurinn var undirritaður þann 15. ágúst 2019. Bókun fundar Afgreiðsla 876. fundar byggðarráðs staðfest á 388. fundi sveitarstjórnar 25. september 2019 með níu atkvæðum.
  • .8 1904245 Rekstrarupplýsingar 2019
    Byggðarráð Skagafjarðar - 876 Lagðar fram til kynningar upplýsingar úr rekstri sveitarfélagsins fyrir tímabilið janúar - júní 2019. Í þessu óendurskoðaða yfirliti kemur fram að rekstur sveitarfélagsins, í heild sinni, er í góðu jafnvægi og í takt við fjárhagsáætlun ársins. Bókun fundar Afgreiðsla 876. fundar byggðarráðs staðfest á 388. fundi sveitarstjórnar 25. september 2019 með níu atkvæðum.