Fræðslunefnd - 146

Málsnúmer 1908007F

Sveitarstjórn Sveitarfélagins Skagafjarðar - 388. fundur - 25.09.2019

Fundargerð 146. fundar fræðslunefndar frá 22. ágúst lögð fram til afgreiðslu á 388. fundi sveitarstjórnar eins og einstök erindi bera með sér. Laufey Kristín Skúladóttir kynnti fundargerð. Enginn kvaddi sér hljóðs.

.1 1806120 Eftirfylgni með úttekt á leikskólanum Ársölum

Fræðslunefnd - 146 Lögð fram til kynningar staðfesting á að mennta- og menningarmálaráðuneytið hefur lokið eftirfylgd með umbótum í kjölfar úttektar ráðuneytisins á leikskólanum Ársölum sem fram fór haustið 2015. Bókun fundar Afgreiðsla 146. fundar fræðslunefndar staðfest á 388. fundi sveitarstjórnar 25. september 2019 með níu atkvæðum.
.2 1908066 Starfsumhverfi leikskóla

Fræðslunefnd - 146 Fræðslunefnd Sveitarfélagsins Skagafjarðar samþykkir að skipa vinnuhóp sem hefur það verkefni að skoða starfsumhverfi leikskóla í Skagafirði. Vinnuhópurinn verði undir forystu fræðslustjóra en í honum sitji einnig fulltrúar leikskólanna þriggja auk annarra sérfræðinga á fjölskyldusviði eftir þörfum. Markmið þeirrar skoðunar er að kanna möguleika á að bæta starfsaðstæður í leikskólum og minnka álag á börn og starfsfólk. Sérstaklega skal lagt mat á þætti eins og mönnun, fjölda barna á deild m.t.t. rýmis, fjölda undirbúningstíma o.þ.h. Þá skal einnig lagt mat á árangur af reglum fyrir starfsmenn leikskóla vegna styrkja til náms í leikskólakennarafræðum, sem settar voru á árinu 2018. Skoða skal sérstaklega hvað önnur sveitarfélög hafa gert til að koma til móts við mikla starfsmannaveltu og leggja mat á þær aðgerðir. Vinnuhópurinn skili drögum að tillögum og greinargerð til fræðslunefndar í lok október n.k. Bókun fundar Afgreiðsla 146. fundar fræðslunefndar staðfest á 388. fundi sveitarstjórnar 25. september 2019 með níu atkvæðum.
.3 1905177 Útboð skólaakstur innanbæjar

Fræðslunefnd - 146 Málið áður á dagskrá þann 1. júlí s.l., en þá samþykkti nefndin að hafna tilboðum sem bárust í útboð á skólaakstri innanbæjar og gefa sér tíma til að skoða fyrirkomulag og framkvæmd skólaaksturs á Sauðárkróki að nýju. Nefndin vill áfram kanna möguleika á að bjóða upp á skólaakstur á Sauðárkróki yfir dimmustu og snjóþyngstu vetrarmánuðina. Nefndin leggur áherslu á að hvetja og örva börn til að ganga eða hjóla í skólann í samræmi við samþykkt sveitarstjórnar um Heilsueflandi samfélag. Nefndin samþykkir að vinna áfram að málinu og felur sviðsstjóra að vinna að nýrri tillögu til lausnar í málinu og leggja fyrir nefndina. Bókun fundar Afgreiðsla 146. fundar fræðslunefndar staðfest á 388. fundi sveitarstjórnar 25. september 2019 með níu atkvæðum.
.4 1906076 Innritunarreglur í frístund

Fræðslunefnd - 146 Lögð fram drög að innritunarreglum fyrir Frístund í Árskóla og Varmahlíðarskóla. Fræðslunefnd samþykkir reglurnar fyrir sitt leyti og felur sviðsstjóra að auglýsa þær á heimasíðu sveitarfélagsins og skólanna. Jafnframt beinir nefndin því til skólastjóra að kynna reglurnar vel fyrir foreldrum. Bókun fundar Afgreiðsla 146. fundar fræðslunefndar staðfest á 388. fundi sveitarstjórnar 25. september 2019 með níu atkvæðum.
.5 1906260 Ný TALIS skýrsla Starfshættir og viðhorf kennara og skólastj. á unglingastigi grunnskóla

Fræðslunefnd - 146 Lögð fram til kynningar skýrsla OECD, TALIS 2018, sem er könnun á starfsháttum og viðhorfi kennara og skólastjóra á unglingastigi grunnskóla. Könnunin hefur tvisvar áður verið gerð hér á landi, árið 2008 og árið 2013. Bókun fundar Afgreiðsla 146. fundar fræðslunefndar staðfest á 388. fundi sveitarstjórnar 25. september 2019 með níu atkvæðum.
.6 1906274 Vinnureglur um númerslausar bifreiðar, starfsleyfi verktaka

Fræðslunefnd - 146 Erindinu vísað til fræðslunefndar frá 873. fundi byggðarráðs, þann 3. júlí s.l. Um er að ræða tölvupóst frá framkvæmdastjóra Heilbrigðiseftirlits Norðurlands vestra þar sem kynntar eru samþykktir sem heilbrigðisnefnd Norðurlands vestra samþykkti á fundi sínum 25. júní sl., um annars vegar hvernig skuli standa að því að fjarlægja númerslausar bifreiðar og hins vegar um starfsleyfi verktaka. Lagt fram til kynningar. Bókun fundar Afgreiðsla 146. fundar fræðslunefndar staðfest á 388. fundi sveitarstjórnar 25. september 2019 með níu atkvæðum.
.7 1908127 Nemendafjöldi 2019 -2020

Fræðslunefnd - 146 Lagðar voru fram fjöldatölur yfir börn í leik- og grunnskólum Skagafjarðar. Fjöldi barna við upphaf skólaárs 2019-2020 eru 525 börn í grunnskólum og 228 börn í leikskólum. Tölur þessar sýna örlitla fjölgun á báðum skólastigum miðað við fyrra ár. Bókun fundar Afgreiðsla 146. fundar fræðslunefndar staðfest á 388. fundi sveitarstjórnar 25. september 2019 með níu atkvæðum.