Snjómokstur veturinn 2019-2020

Lagt fram yfirlit yfir kostnað við snjómokstur í Sveitarfélaginu Skagafirði fyrir árið 2019 og janúar og febrúar árið 2020. Heildarkostnaður vegna ársins 2019 er 37.870 þús.kr. og vegna ársins 2020 er kostnaðurinn kominn í 27.752 þús.kr. sem er töluvert umfram fjárhagsáætlun ársins. Kostnaður vegna tímabilsins desember 2019 til febrúarloka 2020 er samtals 65.622 þús.kr.
Byggðarráð samþykkir að fela sveitarstjóra að undirbúa gerð viðauka við fjárhagsáætlun ársins 2020.

Byggðarráð fjallaði um snjóalög og snjómokstur í sveitarfélaginu.
Byggðarráð samþykkir að fela sveitarstjóra að kanna þörf á auka snjómokstri í dreifbýli sveitarfélagsins, sambærilegt og gert var árið 2013 og í framhaldi senda erindi til Jöfnunarsjóðs sveitarfélaga vegna kostnaðar sem sveitarfélagið hefur lagt út frá desember 2019 til vors 2020.