Ársalir skólabygging

Steinn Leó Sveinsson sviðsstjóri veitu- og framkvæmdasviðs sat fundinn undir þessum dagskrárlið til viðræðu um viðbyggingu við leikskólann Ársali við Árkíl á Sauðárkróki.

Steinn Leó Sveinsson, sviðsstjóri veitu- og framkvæmdasviðs, kom á fundinn og kynnti hugmyndir að nýrri byggingu við leikskólann Ársali. Í fyrsta áfanga er gert ráð fyrir einni deild, anddyri fyrir tvær deildir og starfsmannarými. Í seinni áfanga er gert ráð fyrir að annarri deild. Fræðslunefnd vill horfa til framtíðarlausna í uppbyggingu leikskóla á Sauðárkróki.

Umræður um viðbyggingu við leikskólann Ársali. Steinn Leó Sveinsson sviðsstjóri veitu- og framkvæmdasviðs sat fundinn undir þessum dagskrárlið.
Byggðarráð samþykkir að fela sveitarstjóra og sviðsstjóra veitu- og framkvæmdasviðs að ráðast í gerð útboðs á framkvæmdinni.

Undir þessum dagskrárlið sat Steinn Leó Sveinsson sviðsstjóri veitu- og framkvæmdasviðs.
Kynnt var niðurstaða opnunar tilboða í útboðsverkið "Leikskólinn Ársalir - Viðbygging 2021" en í verkinu felst bygging leikskólastofa í tveimur áföngum við eldra stig leikskólans Ársala. Skal fyrri áfanga lokið 15. desember 2021 en síðari áfanga 1. ágúst 2022. Eitt tilboð barst frá Eðalbyggingum ehf. - SG Hús.
Byggðarráð samþykkir að fela sveitarstjóra að ganga til samninga við fyrirtækið á grundvelli tilboðsins að gættu ákvæði 2. mgr. 63. gr. sveitarstjórnarlaga um gerð viðeigandi viðauka við fjárhagsáætlun sveitarfélagsins.